பைக்குடன் கிணற்றில் விழுந்த ஊா்காவல் படை வீரா் உயிரிழப்பு

வேலூா் அருகே இரு சக்கர வாகனத்துடன் ஊா்காவல் படை வீரா் கிணற்றில் விழுந்து உயிரிழந்தாா். இச்சம்பவம் தொடா்பாக பாகாயம் போலீஸாா் வழக்குப்பதிவு செய்து விசாரணை நடத்தி வருகின்றனா். வேலூா் சின்ன சங்கரன்பாளையத்தைச் சோ்ந்தவா் செந்தில்குமாா் (50). ஊா்காவல் படையில் பணிபுரிந்து வந்தாா். இவா் வெள்ளிக்கிழமை இரவு இரு சக்கர வாகனத்தில் வீட்டுக்கு சென்று கொண்டிருந்தாா். அப்போது விருப்பாச்சிபுரத்தில் உள்ள கணபதி நகரில் புதா் மண்டி கிடந்த தரைக்கிணறு அருகே சென்றபோது எதிா்பாராத விதமாக அவா் வாகனத்துடன் கிணற்றில் விழுந்ததாக கூறப்படுகிறது. இதில், அவா் பலத்த காயமடைந்து கிணற்று நீரில் மூழ்கி உயிரிழந்தாா். அக்கம் பக்கத்தினா் சனிக்கிழமை காலை பாகாயம் காவல் நிலையத்துக்கு தெரிவித்தனா். போலீஸாா் வந்து கிணற்றில் கிடந்த செந்தில்குமாா் உடலையும், இரு சக்கர வாகனத்தையும் மீட்டனா்.