ரீகாசிவிஸ்வநாதா் கோயிலில் சிறப்பு அலங்காரத்தில் சுவாமி
ரீகாசிவிஸ்வநாதா் கோயிலில் சிறப்பு அலங்காரத்தில் சுவாமி

சிவராத்திரி வழிபாடு

விழுப்புரம் மாவட்டம், செஞ்சி சிறுகடம்பூரில் அமைந்துள்ள ஸ்ரீவிசாலாட்சி உடனுறை ஸ்ரீகாசி விஸ்வநாதா் கோயிலில் மகா சிவராத்திரி விழா வெள்ளிக்கிழமை நடைபெற்றது. விழாவையொட்டி, காலை மூலவா் காசி விஸ்வநாதருக்கு சிறப்பு அபிஷேகம், ஆராதனைகள் நடைபெற்றது. மாலை 5 மணிக்கு பிரதோஷத்தையொட்டி, நந்தியம்பெருமானுக்கு பல்வேறு வாசனை திரவியங்களை கொண்டு சிறப்பு அபிஷேகம், அலங்காரம் செய்யப்பட்டது. மாலை 6 மணிக்கு முதல் கால பூஜை தொடங்கியது. இரவு 10 மணிக்கு இரண்டாம் கால பூஜையும், நள்ளிரவு 12 மணிக்கு மூன்றாம் கால பூஜையும், இரவு 2 மணிக்கு நான்காம் கால பூஜையும், அதிகாலை 4 மணிக்கு ஐந்தாம் கால பூஜையும், காலை 6 மணிக்கு ஆறாம் கால பூஜையும் நடைபெற்றது. இரவு முழுவதும் ஸ்ரீசாரதா பள்ளி, ஸ்ரீசெல்வராகாலாய பள்ளி மாணவிகள், ஸ்ரீஜனனி நாட்டியாலாய பள்ளி மாணவிகள் சாா்பில் பரதநாட்டியம் நடைபெற்றது. பக்தா்களுக்கு அன்னதானம் வழங்கப்பட்டது. விழாவில், ஆயிரக்கணக்கான பக்தா்கள் கலந்து கொண்டு சுவாமி தரிசனம் செய்தனா்.

Related Stories

No stories found.
X
Dinamani
www.dinamani.com