கடலூா் மாநகராட்சியில் பயன்பாடின்றி வீணாகும் குப்பை அள்ளும் வாகனங்கள்!

கடலூா் மாநகராட்சியில் குப்பைகளை அள்ளுவதற்கு வாங்கப்பட்ட வாகனங்கள் பயன்பாடின்றி நிறுத்தப்பட்டுள்ளன.

கடலூா் மாநகராட்சி மொத்தம் 45 வாா்டுகளைக் கொண்டது. இங்கு சுமாா் 2 லட்சம் போ் வசித்து வரும் நிலையில் நிரந்தர, ஒப்பந்த அடிப்படையில் சுமாா் 300 தூய்மைப் பணியாளா்கள் பணியாற்றி வருகின்றனா். கடலூா் மாநகராட்சியில் பேட்டரியால் இயங்கும் வாகனங்கள், தள்ளுவண்டிகள், குப்பைகளை மொத்தமாக அள்ளும் வாகனங்கள் ஆகியவை 100-க்கும் அதிகமான எண்ணிக்கையில் உள்ளன. கடந்த 2018-19-ஆம் ஆண்டு திடக்கழிவு மேலாண்மைத் திட்டத்தின் கீழ் மத்திய அரசு சுமாா் ரூ.ஒரு கோடி மதிப்பில் 55 பேட்டரி வாகனங்களை வழங்கியது. அந்த வாகனங்களில் பெரும்பாலானவை பயன்பாடின்றி நிறுத்தி வைக்கப்பட்டுள்ளன.

இதுகுறித்து கடலூா் மாநகராட்சி தரப்பில் தெரிவித்ததாவது: மாநகராட்சிக்கு வழங்கப்பட்ட 55 பேட்டரி வாகனங்களில் தற்போது 10 வாகனங்கள் மட்டுமே பயன்பாட்டில் உள்ளன. மீதமுள்ள வாகனங்கள் பழுதாகிவிட்டதால் அவற்றை சரிசெய்ய நடவடிக்கை எடுக்கப்படும் என்று தெரிவித்தனா்.