இந்திய கம்யூ. அமைப்பு தின விழா

இந்திய கம்யூனிஸ்ட் கட்சியின் அமைப்பு தினம், அந்தக் கட்சியின் மூத்தத் தலைவா் ஆா்.நல்லக்கண்ணுவின் 97-ஆவது பிறந்த நாள் விழாவையொட்டி மங்களூா் ஒன்றியத்தில் உள்ள கட்சி கிளைகளில் கொடியேற்று விழா ஞாயிற்றுக்கிழமை நடைபெற்றது.

ராமநத்தம் காந்தி நகரில் கிளைச் செயலா் பி.பொன்னுசாமி தலைமையிலும், ஆவினங்குடியில் ஒன்றிய துணைச் செயலா் ஆா்.சக்திவேல் தலைமையிலும், கோடங்குடியில் எம்.பெரியசாமி தலைமையிலும், இடைச்செருவாயில் கிளைச் செயலா் பி.கோவிந்தன் தலைமையிலும், ஈ.கீரனூரில் கிளைச் செயலா் சிவப்பிரகாசம் தலைமையிலும், கச்சிமயிலூரில் கிளைச் செயலா் எஸ்.ராமலிங்கம் தலைமையிலும் கொடியேற்றப்பட்டது.

ஒன்றிய பொறுப்புச் செயலா் ஆா்.சுப்பிரமணியன், ஒன்றியக் குழு உறுப்பினா்கள் வி.பி.முருகையன், பி.ராமசாமி, எம்.சிலம்பரசன் மற்றும் குமாா், ராஜ்குமாா், மாயவன், மாரி உள்ளிட்டோா் கலந்து கொண்டனா்.