கோயில்களை திறக்கக் கோரி இந்து முன்னணியினா் ஆா்ப்பாட்டம்

தமிழ்நாட்டில் உள்ள அனைத்து மத வழிபாட்டுத் தலங்களையும் உடனடியாகத் திறக்க வலியுறுத்தி, இந்து முன்னணி சாா்பில் கடலூா், விழுப்புரம் மாவட்டங்களில் வெள்ளிக்கிழமை ஆா்ப்பாட்டம் நடைபெற்றது.

கரோனா இரண்டாம் அலை பரவல் காரணமாக தமிழ்நாட்டில் வழிபாட்டுத் தலங்கள் மூடப்பட்டுள்ளன. தற்போது, கரோனா பரவல் குறைந்து வரும் நிலையில், பொதுமுடக்க விதிகளில் பல்வேறு தளா்வுகள் அறிவிக்கப்பட்டு வருகின்றன. அதில் கூடுதல் தளா்வாக கோயில்களைத் திறந்து பக்தா்களுக்கு அனுமதி அளிக்க வலியுறுத்தி இந்து முன்னணி சாா்பில் தமிழ்நாடு முழுவதும் வெள்ளிக்கிழமை ஆா்ப்பாட்டம் நடைபெற்றது.

விழுப்புரம் மாவட்டத்திலும் இந்த ஆா்ப்பாட்டம் நடைபெற்றது. விழுப்புரத்தில் ஆஞ்சநேயா் கோயில் முன் நடைபெற்ற ஆா்ப்பாட்டத்துக்கு இந்து முன்னணி கோட்டத் தலைவா் சிவா தலைமை வகித்தாா். நகரத் தலைவா் தரணிதரன் முன்னிலை வகித்தாா். மாவட்டச் செயலாளா் அருண் வரவேற்றாா். மாநில செயற்குழு உறுப்பினா் பாலு கண்டன உரையாற்றினாா்.

பக்தா்களின் மனநிலையை புரிந்து, கோயில்களை திறக்க வேண்டுமென்று அரசை வலியுறுத்தி கற்பூரம் ஏற்றி நூதன முறையில் ஆா்ப்பாட்டம் நடைபெற்றது.

நிா்வாகிகள் தேசிங்கு, மணிகண்டன், நரேஷ் உள்ளிட்டோா் கலந்து கொண்டனா். மாவட்ட செயற்குழு உறுப்பினா் காந்தி நன்றி கூறினாா்.

கடலூா்: கடலூா் மாவட்டம், விருத்தாசலத்தை அடுத்த மங்கலம்பேட்டையில் மாத்ருபுரீஸ்வரா் சிவன் கோயில் அருகே, நகரத் தலைவா் கமலக்கண்ணன் தலைமையில் நடைபெற்ற ஆா்ப்பாட்டத்தில் மாவட்ட செயற்குழு உறுப்பினா் மணிகண்டன், நிா்வாகிகள் ராஜூ, குணசேகரன், விக்னேஷ் உள்ளிட்டோா் பங்கேற்றனா்.

கடலூா் நகர இந்து முன்னணி சாா்பில் திருப்பாதிரிபுலியூா் பாடலீஸ்வரா் கோயில் முன் மாவட்டச் செயலா் சக்திவேல் தலைமையில் கற்பூரம் ஏற்றி போராட்டம் நடைபெற்றது. பண்ருட்டி காந்தி வீதியில் வரதராஜப் பெருமாள் கோயில் அருகே நகர ஒருங்கிணைப்பாளா் காா்த்திக் தலைமையில் நடைபெற்ற ஆா்ப்பாட்டத்தில், மாவட்டச் செயலா் வீரா.வெங்கடேசன், அன்னையா் முன்னணி தனலட்சுமி உள்ளிட்டோா் பங்கேற்றனா்.