கரோனாவுக்கு இருவா் பலி

கடலூா் மாவட்டத்தில் கரோனா பாதிப்பால் வியாழக்கிழமை இருவா் உயிரிழந்தனா்.

மாவட்டத்தில் வியாழக்கிழமை வெளியான மருத்துவப் பரிசோதனை முடிவில் புதிதாக 210 பேருக்கு கரோனா தொற்று உறுதியானது. இதனால், பாதிக்கப்பட்டவா்களின் மொத்த எண்ணிக்கை 73,303-ஆக அதிகரித்தது. சிகிச்சை முடிந்து மேலும் 341 போ் வீடு திரும்பியதால் குணமடைந்தவா்களின் மொத்த எண்ணிக்கை 69,950-ஆக உயா்ந்தது. எனினும், கடலூா் அரசு மருத்துவமனையில் சிகிச்சை பெற்று வந்த பண்ருட்டியைச் சோ்ந்த 82 வயது முதியவா், சென்னையில் தனியாா் மருத்துவமனையில் சிகிச்சை பெற்று வந்த குறிஞ்சிப்பாடியை சோ்ந்த 62 வயது ஆண் ஆகியோா் உயிரிழந்தனா். இதனால் பலியானவா்களின் மொத்த எண்ணிக்கை 888-ஆக அதிகரித்தது.

கடலூா் மாவட்டத்திலுள்ள அரசு மருத்துவமனைகளில் 2,195 பேரும், வெளியூா்களில் கடலூா் மாவட்டத்தினா் 270 பேரும் சிகிச்சை பெற்று வருகின்றனா். கட்டுப்பாட்டு பகுதிகளின் எண்ணிக்கை 9-ஆக உள்ளது.