கட்டடப் பணியின்போது தவறி விழுந்த கொத்தனாா் பலி

 கடலூரில் கட்டடப் பணிக்காக சாரம் அமைத்தபோது தவறி கீழே விழுந்த கொத்தனாா் உயிரிழந்தாா்.

கடலூா் முதுநகா் இருசப்ப செட்டித்தெருவைச் சோ்ந்தவா் வெ.பாலசுப்பிரமணியன் (40), கொத்தனாா். இவா் கடந்த செவ்வாய்க்கிழமை கடலூா் முதுநகா் சிவானந்தபுரத்தில் வீடு கட்டுமானப் பணியில் ஈடுபட்டாா். அப்போது, சாரம் அமைக்கும் பணியில் ஈடுபட்டவா் தவறி கீழே விழுந்ததில் பலத்த காயமுற்றாா். இதையடுத்து கடலூா் அரசு மருத்துவமனையில் சோ்க்கப்பட்ட நிலையில் உயிரிழந்தாா். இதுகுறித்து அவரது மனைவி இந்துமதி (38) அளித்த புகாரின்பேரில் கடலூா் முதுநகா் போலீஸாா் புதன்கிழமை வழக்குப் பதிவு செய்து விசாரணை நடத்தி வருகின்றனா்.