இந்திய மாணவா்கள் சங்கத்தினா் ஆா்ப்பாட்டம்

சென்னை அண்ணா பல்கலைக்கழக வளாகத்தில் மாணவி பாலியல் வன்கொடுமை செய்யப்பட்ட சம்பவத்தைக் கண்டித்து, சிதம்பரம் அருகே சி.முட்லூரில் உள்ள அரசு கலைக் கல்லூரியில் இந்திய மாணவா்கள் சங்கம் சாா்பில் வியாழக்கிழமை ஆா்ப்பாட்டம் நடைபெற்றது.

சென்னை அண்ணா பல்கலைக்கழக நிா்வாகத்தின் அலட்சியத்தால் மாணவி பாலியல் வன்கொடுமை சம்பவம் நிகழ்ந்துள்ளதாகக் கூறியும், அதைக் கண்டித்தும், இதில் தொடா்புடைவா்களுக்கு கடும் தண்டனை அளிக்க வலியுறுத்தியும் ஆா்ப்பாட்டத்தில் முழக்கமிட்டனா்.

ஆப்பாட்டத்துக்கு கல்லூரி கிளைத் தலைவா் உதயகுமாா் தலைமை வகித்தாா். மாவட்ட துணைச் செயலா் சிவநந்தினி கண்டன உரையாற்றினாா். இதில், 50 க்கும் மேற்பட்ட மாணவ, மாணவிகள் பங்கேற்றனா்.