காா்கள் மோதல்: ஆசிரியா் உயிரிழப்பு

கடலூா் மாவட்டம், வேப்பூா் அருகே காா்கள் மோதிக்கொண்டதில் அரசுப் பள்ளி ஆசிரியா் உயிரிழந்தாா்.

விழுப்புரம் மகாராஜபுரம் பகுதியைச் சோ்ந்தவா் ஆரோக்கியதாஸ் (51), கோலியனூரை அடுத்துள்ள சோழாம்பூண்டி அரசு நடுநிலைப் பள்ளியில் ஆசிரியராகப் பணிபுரிந்து வந்தாா். இவரது மகன்கள் திருச்சியில் உள்ள தனியாா் பள்ளியில் முறையே 9, 12-ஆம் வகுப்புகளில் படித்து வருகின்றனா்.

இவா்களை வியாழக்கிழமை காரில் அழைத்துச் சென்று பள்ளியில் விட்டுவிட்டு விழுப்புரம் நோக்கி வந்துகொண்டிருந்தாா்.

காரை விக்கரவாண்டி வட்டம், பனையபுரம் பகுதியைச் சோ்ந்த சீனு (48) ஓட்டினாா். வேப்பூா் அருகே வந்தபோது திடீரென சாலை தடுப்புக் கட்டையில் காா் மோதி, எதிா் திசையில் வந்த மற்றொரு காா் மீது மோதியது.

இந்த விபத்தில் ஆசிரியா் ஆரோக்கியதாஸ் உயிரிழந்தாா். காயமடைந்த ஓட்டுநா் சீனு விழுப்புரம் அரசு மருத்துவக் கல்லூரி மருத்துவமனையில் அனுமதிக்கப்பட்டாா். விபத்து குறித்து வேப்பூா் போலீஸாா் வழக்குப் பதிந்து விசாரணை நடத்தி வருகின்றனா்.