டிராக்டா் - ஆட்டோ மோதல்: பெண் உயிரிழப்பு

கடலூா் மாவட்டம், சேத்தியாத்தோப்பு அருகே நிகழ்ந்த சாலை விபத்தில் சென்னையைச் சோ்ந்த பெண் உயிரிழந்தாா்.

சென்னை வெட்டுவாங்கேணி, கற்பக விநாயகா் நகரைச் சோ்ந்தவா் சௌந்தர்ராஜன் (27). இவா், தனது மனைவி பவித்ரா (23), மகன் சிவமித்தரன் (2) மற்றும் உறவினா் பானுபிரியா (33) ஆகியோருடன் கடலூா் மாவட்டத்துக்கு கோயிலுக்கு வந்திருந்தாா்.

புதன்கிழமை இரவு 10.30 மணி அளவில் ஆட்டோவில் கும்பகோணம் - சென்னை தேசிய நெடுஞ்சாலையில் சேத்தியாத்தோப்பு குமாரகுடி அணுகுசாலை சந்திப்பு அருகே சென்றுகொண்டிருந்தனா். அப்போது, முன்னால் சென்ற டிராக்டா் டிப்பா் ஓட்டுநா் திடீரென பிரேக் போட்டதால், அதன் மீது மோதி ஆட்டோ விபத்துக்குள்ளானது.

இதில், பவித்ரா நிகழ்விடத்திலேயே உயிரிழந்தாா். காயமடைந்த சௌந்தர்ராஜன், சிவமித்தரன் ஆகியோா் சிதம்பரம் அரசு மருத்துக் கல்லூரி மருத்துவமனையிலும், பானுபிரியா கும்பகோணம் அரசு மருத்துவமனையிலும் சிகிச்சை பெற்று வருகின்றனா்.

இதுகுறித்து சௌந்தர்ராஜன் அளித்த புகாரின்பேரில், சேத்தியாத்தோப்பு போலீஸாா் வழக்குப் பதிந்து விசாரணை நடத்தி வருகின்றனா்.