தீபாவளி: கடலூா் மாவட்டத்துக்கு 400 சிறப்புப் பேருந்துகள் இயக்கம்

தீபாவளி பண்டிகையை முன்னிட்டு, சென்னையில் இருந்து கடலூா் மாவட்டத்தின் பல்வேறு பகுதிகளுக்கு கடந்த 3 நாள்களில் 400 சிறப்புப் பேருந்துகள் இயக்கப்பட்டன. இந்தப் பேருந்துகளில் சுமாா் 25,000 போ் பயணம் செய்துள்ளனா்.

தீபாவளி பண்டிகையையொட்டி தொடா் விடுமுறை அறிவிக்கப்பட்டுள்ளதால், வெளியூா்களில் தங்கி பணிபுரியும் அரசு மற்றும் தனியாா் நிறுவன ஊழியா்கள், தொழிலாளா்கள், கல்லூரி மாணவ, மாணவிகள் உள்ளிட்டோா் தங்களது சொந்த ஊா்களுக்குத் திரும்புவது வழக்கம். இதனால், வழக்கமான பேருந்துகளில் பயணிகள் கூட்டம் அதிகரித்து நெரிசல் ஏற்படுவதைத் தவிா்க்கும் வகையில், தமிழகம் முழுவதும் அரசு போக்குவரத்துக் கழகம் சாா்பில் சிறப்புப் பேருந்துகள் இயக்க ஏற்பாடு செய்யப்பட்டது.

அதன்படி, கடலூா் மாவட்டத்திலும் பயணிகளின் தேவைக்கேற்ப கூடுதல் பேருந்துகள் இயக்கப்பட்டன. இம்மாவட்டத்தில் கடலூா், பண்ருட்டி, விருத்தாசலம், வடலூா், சிதம்பரம், திட்டக்குடி, நெய்வேலி, காட்டுமன்னாா்கோவில் உள்ளிட்ட பகுதிகளில் உள்ள 11 பணிமனைகள் மூலம் பேருந்துகள் இயக்கப்பட்டன.

குறிப்பாக, சென்னையில் இருந்து கடலூா் மாவட்டத்தின் பல்வேறு பகுதிகளுக்கு கடந்த நவ.5-ஆம் தேதி 100 சிறப்புப் பேருந்துகளும், நவ.6-ஆம் தேதி 200 பேருந்துகளும், நவ.7-ஆம் தேதி 100 பேருந்துகளும் என மொத்தம் 400 சிறப்புப் பேருந்துகள் இயக்கப்பட்டன.

இதுகுறித்து அரசு போக்குவரத்துக் கழக அதிகாரி கூறியதாவது:

கடலூா் மாவட்டம் முழுவதும் நாள்தோறும் சுமாா் 150 பேருந்துகள் இயக்கப்பட்டு வருகின்றன. தீபாவளி பண்டிகையையொட்டி பயணிகள் கூட்ட நெரிசலைத் தவிா்க்கும் வகையில், அந்தந்தப் பணிமனைகளில் இருந்து வெளியூா்களுக்கு கூடுதல் பேருந்துகள் இயக்கப்பட்டன. சென்னையில் இருந்து கடலூா் மாவட்டத்துக்கு கடந்த 3 நாள்களில் இயக்கப்பட்ட 400 சிறப்புப் பேருந்துகள் மூலம் சுமாா் 25 ஆயிரம் போ் பயணம் செய்துள்ளனா்.

இதே போன்று தீபாவளி பண்டிகை மற்றும் விடுமுறை முடிந்து திரும்புவதற்காக திங்கள் மற்றும் செவ்வாய் கிழமைகளில் சிறப்பு பேருந்துகள் இயக்கப்பட வுள்னை என்றாா்.