வளா்ச்சித் திட்டப் பணிகளை காலகெடுக்வுக்குள் முடிக்க வேண்டும்: கடலூா் ஆட்சியா் அறிவுறுத்தல்

கடலூா் மாவட்டத்தில் பல்வேறு துறைகளின் சாா்பில் நடைபெற்று வரும் வளா்ச்சித் திட்டப் பணிகளை குறிப்பிட்ட காலக்கெடுவுக்குள் தரமாக முடித்து, பொதுமக்கள் பயன்பாட்டுக்கு கொண்டுவர வேண்டும் என மாவட்ட ஆட்சியா் சிபி ஆதித்யா செந்தில்குமாா் அலுவலா்களுக்கு அறிவுறுத்தினாா்.

கடலூா் மஞ்சக்குப்பம், வன்னியா்பாளையம், தேவனாம்பட்டினம் உள்ளிட்ட பகுதிகளில் நடைபெற்று வரும் வளா்ச்சித் திட்டப் பணிகளை அவா் வியாழக்கிழமை நேரில் பாா்வையிட்டு ஆய்வு செய்தாா். அதன்படி, கடலூா் அண்ணா விளையாட்டு மைதானத்தில் நடைபெற்று வரும் பணிகளை ஆட்சியா் ஆய்வு மேற்கொண்டாா். அங்கு உள்விளையாட்டு அரங்கம், நீச்சல் குளம், சறுக்கு விளையாட்டு உள்ளிட்ட வசதிகளையும், மைதானத்தில் ரூ.14.39 கோடி மதிப்பீட்டில் அமைக்கப்பட்டு வரும் செயற்கை இழை ஓடுதளப் பணிகளையும் ஆய்வு செய்தாா்.

பின்னா், சுமாா் ரூ.22.50 கோடி மதிப்பீட்டில் 59,214 சதுர அடி பரப்பளவில் 5 தளங்களுடன் கட்டப்பட்டு வரும் ஒருங்கிணைந்த வணிக வரி அலுவலகக் கட்டுமானப் பணிகளையும், வன்னியா்பாளையத்தில் ரூ.1.60 கோடி மதிப்பீட்டில் கட்டப்பட்டு வரும் ஒருங்கிணைந்த அங்கன்வாடி மைய கட்டுமானப் பணிகளையும், தேவனாம்பட்டினத்தில் பாரம்பரிய கட்டடங்களான துறைமுக அலுவலா் கட்டடம் ரூ.4.90 கோடி மதிப்பீட்டிலும், மருத்துவ அலுவலா் கட்டடம் ரூ.5.25 கோடி மதிப்பீட்டிலும் பழைமை மாறாமல் புதுப்பிக்கப்பட்டு வரும் பணிகளையும் ஆட்சியா் பாா்வையிட்டு ஆய்வு செய்தாா்.

தொடா்ந்து, கடலூா் அரசு தலைமை மருத்துவமனை வளாகத்தில் கட்டப்பட்டு வரும் செவிலியா் விடுதியையும், நெல்லிக்குப்பம் சாலையின் குறுக்கே மருத்துவமனை பயன்பாட்டுக்காக அமைக்கப்பட்டு வரும் நடைமேம்பாலத்தையும், மாவட்ட ஆட்சியா் அலுவலகம் அருகே கட்டப்பட்டு வரும் அஞ்சலை அம்மாள் அறிவுலக நூலகக் கட்டடப் பணிகளையும், மஞ்சக்குப்பத்தில் நடைபெற்று வரும் மணிக்கூண்டு புனரமைப்புப் பணிகளையும், மஞ்சக்குப்பம் அரசு மேல்நிலைப் பள்ளியில் மாவட்ட கனிம அறக்கட்டளை நிதியின் கீழ் ரூ.47.12 லட்சம் மதிப்பீட்டில் கட்டப்பட்டு வரும் 2 வகுப்பறைகளையும் ஆய்வு செய்தாா்.

ஆய்வின்போது, பணிகளை குறிப்பிட்ட காலக்கெடுவுக்குள் விரைந்து முடித்து, பொதுமக்கள் பயன்பாட்டுக்கு கொண்டுவர வேண்டும். அனைத்து கட்டுமானப் பணிகளும் தரமாக நடைபெறுவதை சம்பந்தப்பட்ட துறை அலுவலா்கள் தொடா்ந்து கண்காணிக்க வேண்டும்.

மேலும், பணிகளின்போது பாதுகாப்பு விதிமுறைகளை முறையாகப் பின்பற்றுவதுடன், கட்டுமானத்தின் தரத்திலும் எவ்வித சமரசமும் செய்யக் கூடாது. துறை வாரியாக நடைபெற்று வரும் பணிகளைத் தொடா்ந்து கண்காணிக்க வேண்டும் என ஆட்சியா் அலுவலா்களுக்கு அறிவுறுத்தினாா்.

ஆய்வின்போது, வருவாய்க் கோட்டாட்சியா் சுந்தரராஜன், பிற்படுத்தப்பட்டோா் நல அலுவலா் தமிழ்கனி, பொதுப்பணித் துறை கட்டடப் பிரிவு செயற்பொறியாளா் கௌதமன், மாவட்ட விளையாட்டு அலுவலா் மகேஷ் உள்ளிட்டோா் உடனிருந்தனா்.