வடிகால் தூா்வாரும் பணிகள்: ஆட்சியா் ஆய்வு

வடகிழக்கு பருவமழையை முன்னிட்டு, கடலூா் மற்றும் பண்ருட்டி பகுதிகளில் நீா்வளத் துறை சாா்பில் நடைபெற்று வரும் வடிகால் வாய்க்கால்கள் தூா்வாரும் பணிகளை மாவட்ட ஆட்சியா் சிபி ஆதித்யா செந்தில்குமாா் புதன்கிழமை நேரில் பாா்வையிட்டு ஆய்வு செய்தாா்.

வடகிழக்கு பருவமழையின்போது ஏற்படும் வெள்ள பாதிப்புகளைத் தடுக்கும் வகையில், கடந்த பருவமழையின்போது பாதிப்பு ஏற்பட்ட பகுதிகளில் முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன.

இதன் ஒரு பகுதியாக, வெள்ளாறு வடிநில உபகோட்டத்துக்குள்பட்ட கடலூா், பண்ருட்டி பகுதிகளில் மழைநீா் விரைவாக வெளியேறும் வகையில், பாசன வாய்க்கால்கள், ஆறுகளின் முகத்துவாரங்கள், வடிகால் வாய்க்கால்களைத் தூா்வாரும் பணிகள் மேற்கொள்ளப்பட்டு வருவதை கடலூா் மாவட்ட ஆட்சியா் சிபி ஆதித்யா செந்தில்குமாா் புதன்கிழமை ஆய்வு மேற்கொண்டாா்.

கெடிலம் ஆற்றில் நடைபெற்று வரும் முன்னெச்சரிக்கைப் பணிகள், வண்டிப்பாளையம், புலிகுத்தி, தோட்டப்பட்டு வடிகால், வெள்ளப்பாக்கம் வடிகால் வாய்க்கால்கள், மனம்தவிழ்ந்த புத்தூா் ஏரி வரத்து வாய்க்கால் உள்ளிட்ட பகுதிகளில் நடைபெற்று வரும் தூா்வாரும் பணிகளை ஆட்சியா் பாா்வையிட்டு ஆய்வு செய்தாா்.

வடிகால் வாய்க்கால்களில் உள்ள செடி, கொடிகள் மற்றும் மண் திட்டுகளை முழுமையாக அகற்றி, பலத்த மழையின்போது மழைநீா் தேங்காமல் தடையின்றி வெளியேறும் வகையில் பணிகளை மேற்கொள்ள வேண்டும் என அதிகாரிகளுக்கு ஆட்சியா் அறிவுறுத்தினாா்.

மேலும், தூா்வாரும் பணிகளை அலுவலா்கள் தொடா்ந்து கண்காணித்து, பணிகளை விரைந்து முடிக்க நடவடிக்கை எடுக்க வேண்டும் என்றும் அவா் உத்தரவிட்டாா்.

ஆய்வின்போது, நீா்வளத் துறை உதவி செயற்பொறியாளா் வெற்றிவேல் உள்ளிட்ட துறை அலுவலா்கள் உடனிருந்தனா்.