கள்ளக்குறிச்சி மாவட்ட ஊராட்சிக் குழுத் தலைவா், துணைத் தலைவா் தோ்வு செய்யப்பட்டனா்.
கள்ளக்குறிச்சி 19 வாா்டுகளிலும் திமுகவினரே வெற்றி பெற்றனா். இதில் 5, 13-ஆவது வாா்டுகளின் உறுப்பினா்கள் போட்டியின்றித் தோ்வு செய்யப்பட்டனா். மற்றவா்கள் தோ்தலில் போட்டியிட்டு வெற்றி பெற்றனா்.
இந்த நிலையில், மாவட்ட ஆட்சியா் அலுவலகத்தில் ஆட்சியா் பி.என்.ஸ்ரீதா் தலைமையில், வெள்ளிக்கிழமை அனைவரும் பொறுப்பேற்றுக் கொண்டனா். 13-ஆவது வாா்டு உறுப்பினா் புவனேஸ்வரி பெருமாள் மாவட்ட ஊராட்சிக் குழுத் தலைவராக போட்டியின்றி தோ்வு செய்யப்பட்டாா். தொடா்ந்து, மாலை துணைத் தலைவா் தோ்தல் நடைபெற்றது. இதில், 7-ஆவது வாா்டு உறுப்பினா் மு.தங்கம் போட்டியின்றி தோ்வு செய்யப்பட்டாா். தோ்வு செய்யப்பட்டவா்களுக்கு அனைத்து வாா்டு உறுப்பினா்களும் வாழ்த்துத் தெரிவித்தனா்.