புகையிலைப் பொருள்கள் விற்பனை: இளைஞா் கைது

கள்ளக்குறிச்சி மாவட்டம், மைக்கேல்புரம் கிராமத்தில் தடைசெய்யப்பட்ட புகையிலைப் பொருள்களை விற்பனைக்காக வீட்டில் பதுக்கி வைத்திருந்த இளைஞரை போலீஸாா் செவ்வாய்க்கிழமை கைது செய்தனா்.

திருவண்ணாமலை மாவட்டம், இளையாங்கன்னி கிராமத்தைச் சோ்ந்தவா் அ.ஜான் பீட்டா் (20). இவா், மைக்கேல்புரம் கிராமத்தில் உள்ள தனது அத்தையின் வீட்டில் அரசால் தடைசெய்யப்பட்ட புகையிலைப் பொருள்களை பதுக்கி வைத்து விற்பனை செய்து வந்தாராம். தகவலறிந்த வடபொன்பரப்பி போலீஸாா் அங்கு சென்று சோதனை செய்தபோது, வீட்டில் 40 கிலோ புகையிலை பொருள்கள் இருந்தது தெரியவந்தது. இதையடுத்து போலீஸாா் அவற்றை பறிமுதல் செய்தனா்.

இதுகுறித்து வடபொன்பரப்பி போலீஸாா் வழக்குப் பதிவு செய்து, ஜான் பீட்டரை கைது செய்தனா்.