"மோ மோ விளையாட்டு:  பொதுமக்களுக்கு  காவல் துறை அறிவுரை'

மோ மோ விளையாட்டு குறித்து பொதுமக்கள் விழிப்புடன் இருக்க வேண்டும் என்று புதுவை முதுநிலைக் காவல் கண்காணிப்பாளர் மகேஷ்குமார் பர்ன்வால் கூறினார்.
இதுகுறித்து புதன்கிழமை அவர் வெளியிட்ட செய்திக் குறிப்பு: ப்ளூவேல் விளையாட்டு போன்றே மோ மோ என்ற விளையாட்டு கட்செவி அஞ்சல் மூலம் வேகமாகப் பரவி வருகிறது. தெரியாத எண்ணிகளில் இருந்து மோ மோ விளையாட்டு அழைப்பு வந்து விளையாடத் தூண்டுகிறது. எனவே, பொதுமக்கள் இந்த  விளையாட்டு குறித்து விழிப்புடன் இருக்க வேண்டும்.
பெற்றோர்கள் தங்களது குழந்தைகளின் நடவடிக்கைகளைக் கண்காணிக்க வேண்டும். அவர்களிடம் ஏதேனும் மாற்றம் இருந்தால், 100 அல்லது 1031 என்ற ஆகிய காவல் துறை எண்களுக்கு 24 மணி நேரமும் தொடர்பு கொண்டு தெரிவிக்கலாம்.
இந்த மோ மோ விளையாட்டு குறித்து புதுவையில் இதுவரை எந்த வழக்கும் பதிவு செய்யப்படவில்லை என அந்தச் செய்திக் குறிப்பில் கூறப்பட்டுள்ளது.