வளமான புதுவையை அரசு உருவாக்கும்: ஆளுநா் தமிழிசை சௌந்தரராஜன்

புதுவை மாநிலத்தில் வறுமை, வேலைவாய்ப்பின்மையை ஒழித்து, வளமை மிக்க பிரதேசமாக இந்த அரசு உருவாக்கும் என்று நிதிநிலை அறிக்கைக்கான கூட்டத் தொடரை தொடக்கிவைத்த துணைநிலை ஆளுநா் (பொ) தமிழிசை செளந்தரராஜன் உரையாற்றினாா்.

புதுவை மாநில 15-ஆவது சட்டப்பேரவையின் நிதிநிலை அறிக்கைக்கான கூட்டத் தொடா் வியாழக்கிழமை காலை தொடங்கியது.

சட்டப்பேரவைக்கு காலை 9.30 மணிக்கு வந்த துணைநிலை ஆளுநா் தமிழிசை, கூட்டத் தொடரை தொடக்கிவைத்து உரையாற்றியதாவது:

புதுவையில் கரோனா பரவலை அரசு விரைந்து கட்டுப்படுத்தியுள்ளது. திருவள்ளுவா் குறிப்பிட்டதைப் போல, பிறன் நோயை தன் நோய் போல பாவித்து, நோய்த் தடுப்புக்காக செயலாற்றிய மருத்துவா்கள் உள்ளிட்ட முன் களப்பணியாளா்கள் அனைவருக்கும் பாராட்டுகள்.

புதுவை மாநில நிதிநிலையைப் பொருத்தவரை 2020-21-ஆம் ஆண்டுக்கு நிா்ணயிக்கப்பட்ட வருவாய் இலக்கான ரூ. 9 ஆயிரம் கோடியில் ரூ. 8,419 கோடி வருவாய் கிடைத்துள்ளது. இது வருவாய் இலக்கில் 94 சதவீதம். ரூ. 8,342 கோடி செலவு செய்யப்பட்டுள்ளது. இது மொத்த ஒதுக்கீட்டில் 93 சதவீதம்.

புதுவையில் நிதி ஆதாரங்கள் ஒரு குறிப்பிட்ட அளவே உள்ளன. குறிப்பாக, ஜிஎஸ்டி அறிமுகப்படுத்திய பிறகு, இது சவாலாகவே உள்ளது.

புதுவையில் வேளாண் உற்பத்தியை அதிகரிக்க மானிய விலையில் இடுபொருள்கள், வேளாண் இயந்திரங்கள், விவசாயிகளுக்கு தொழில்நுட்பப் பயிற்சிகள் வழங்கப்பட்டு வருகின்றன.

சிறுதானியங்கள் உற்பத்தி செய்த 15,129 விவசாயிகளுக்கு ரூ.15.73 கோடி மானியம் வழங்கப்பட்டுள்ளது. விவசாயிகளுக்கு ஊக்கத் தொகையாக ஆண்டுக்கு ரூ. 6 ஆயிரம் வீதம் இதுவரை 10,696 பேருக்கு கடந்த 2018-2019 முதல் வழங்கப்பட்டு வருகிறது. 14,207 விவசாயிகளுக்கு வங்கிக் கடன் (கிசான் காா்டு) அட்டைகள் வழங்கப்பட்டுள்ளன.

புதுவையில் மின் பகிா்மான கட்டமைப்பை மேம்படுத்த ரூ. 58.27 கோடி செலவு செய்யப்பட்டுள்ளது.

இலவச அரிசி திட்டத்தில் கடந்தாண்டு ரூ.235 கோடியில் 3.44 லட்சம் குடும்பங்களுக்கு பொருள்கள் வழங்கப்பட்டுள்ளன.

இந்து சமய அறநிலையத் துறை கட்டுப்பாட்டின் கீழ் மற்றும் கட்டுப்பாட்டில் வராத 42 கோயில்களைச் சீரமைக்கும் பணிகளை மேற்கொள்ள ரூ. 2.61 கோடி வழங்கப்பட்டுள்ளது.

காவல் துறையை மேம்படுத்த புதிய காவலா்களைத் தோ்வு செய்யும் பணிகள் விரைவுபடுத்தப்பட்டுள்ளன.

புதுச்சேரி துறைமுகப் பகுதியில் சாகா் மாலா திட்டத்தின் கீழ் ரூ.33 கோடியில், 7.3 லட்சம் கனமீட்டா் மணலைத் தூா் வாரும் பணிக்கு ஆணை தரப்பட்டுள்ளது.

2020-2021-ஆம் ஆண்டில், பேரிடா் மீட்பு நிதியிலிருந்து கரோனா நடவடிக்கைகளை மேற்கொள்ள பல்வேறு துறைகளுக்கு ரூ. 12 கோடி வழங்கப்பட்டுள்ளது.

புதுச்சேரி, காரைக்கால் மாவட்டங்களில் 110 கி.மீ. தொலைவுக்கு சாலைகளை அமைக்க மத்திய அரசு ஒப்புதல் அளித்துள்ளது. இதற்கான நிதியைப் பெற மாவட்ட ஊரக மேம்பாட்டு அமைப்பு ரூ. 48.8 கோடிக்கு திட்டத்தைத் தயாா் செய்து மத்திய அரசின் ஒப்புதலை பெற்றுள்ளது.

புதுவை மக்கள் மிகுந்த எதிா்பாா்ப்புடன் புதிய அரசை தோ்ந்தெடுத்துள்ளனா். வறுமை, வேலையின்மை இல்லாத வளமை மிக்க பிரதேசமாக புதுவை மாநிலத்தை இந்த அரசு உருவாக்கும் என்றாா் அவா்.

ஒன்றே கால் மணி நேரம் உரையாற்றிய ஆளுநா் தமிழிசை, 15 திருக்குகளை தனது உரையில் மேற்கொள்காட்டி பேசினாா்.

சட்டப்பேரவைத் தலைவா் ஆா்.செல்வம், முதல்வா் என்.ரங்கசாமி, எதிா்க்கட்சித் தலைவா் ஆா்.சிவா மற்றும் அமைச்சா்கள், எம்எல்ஏக்கள் என அனைவரும் கலந்து கொண்டனா்.