புதுவையில் நாளை முதல் பள்ளிகள் முழு நேரம் செயல்படும்

புதுச்சேரி, காரைக்காலில் உள்ள அனைத்துப் பள்ளிகளும் புதன்கிழமை முதல் (மாா்ச் 3) முழு நேரம் செயல்படும் என புதுவை பள்ளிக் கல்வித் துறை தெரிவித்தது.

புதுவை மாநிலத்தில் கடந்த ஜனவரி 4-ஆம் தேதி முதல் ஒன்றாம் வகுப்பு முதல் பிளஸ் 2 வரை அனைத்து வகுப்புகளும் செயல்படத் தொடங்கின. எனினும், பள்ளிகளில் மாணவா்களுக்கு காலை 10 மணி முதல் பிற்பகல் ஒரு மணி வரை அரை நாள் மட்டுமே வகுப்புகள் நடைபெற்று வருகின்றன. 1, 3, 5, 7-ஆம் வகுப்பு மாணவா்களுக்கு திங்கள், புதன், வெள்ளிக்கிழமைகளிலும், 2, 4, 6, 8-ஆம் வகுப்பு மாணவா்களுக்கு செவ்வாய், வியாழன், சனிக்கிழமைகளிலும் வகுப்புகள் நடைபெற்று வருகின்றன. வருகைப் பதிவேடு கட்டாயப்படுத்தப்படவில்லை. கரோனா விதிமுறைகளைப் பின்பற்றி வகுப்புகள் நடைபெறுகின்றன.

இந்த நிலையில், புதுச்சேரி, காரைக்காலில் உள்ள அரசு, அரசு உதவி பெறும், தனியாா் பள்ளிகள் அனைத்தும் புதன்கிழமை முதல் (மாா்ச் 3) முழு நேரமும் செயல்படும் என அறிவிக்கப்பட்டது.

இதுகுறித்து புதுவை பள்ளிக் கல்வித் துறை இயக்குநா் பி.டி.ருத்ர கௌடு கூறியதாவது: பள்ளிகள் அனைத்தும் புதன்கிழமை முதல் (மாா்ச் 3) முழு நேரமும் செயல்படும். அப்போது, அரசுப் பள்ளி மாணவா்களுக்கு மதிய உணவு வழங்கப்படும். மாணவா்களுக்கான சிறப்புப் பேருந்துகளை இயக்குவது குறித்து 2 நாள்களில் முடிவு செய்யப்படும் என்றாா் அவா்.