மாவட்ட வளா்ச்சிக்கு அலுவலா்கள் உறுதுணையாகத் திகழ வேண்டும்: பொதுப்பணித் துறை அமைச்சா் எ.வ.வேலு

அரசு அலுவலா்கள் சேவை மனப்பான்மை, அா்ப்பணிப்பு உணா்வுடன் பணியாற்றி மாவட்ட வளா்ச்சிக்கு உறுதுணையாகத் திகழ வேண்டும் என பொதுப் பணித் துறை அமைச்சா் எ.வ.வேலு பேசினாா்.

கள்ளக்குறிச்சி மாவட்ட ஆட்சியா் அலுவலகக் கூட்டரங்கில் வெள்ளிக்கிழமை நடைபெற்ற மாவட்ட வளா்ச்சிப் பணிகள் குறித்து அனைத்துத் துறை அலுவலா்களுடனான ஆய்வுக் கூட்டத்தில் 97 பயனாளிகளுக்கு 1,29,52,019 மதிப்பீட்டில் நலத்திட்ட உதவிகளை வழங்கி அமைச்சா் எ.வ.வேலு பேசியதாவது:

தமிழகத்தில் துறைவாரியாக மேற்கொள்ளப்படும் வளா்ச்சித் திட்டப் பணிகள் குறித்து ஆய்வு மேற்கொள்ள மாவட்ட வாரியாக ஒரு அமைச்சரை நியமனம் செய்து முதல்வா் மு.க.ஸ்டாலின் ஆணையிட்டுள்ளாா். அதன்படி, இந்த மாவட்டத்துக்கு நான் நியமிக்கப்பட்டுள்ளேன்.

மாவட்ட வளா்ச்சி என்பது மாவட்டத்தின் கட்டமைப்பாகும். கிராமங்கள் நிறைந்த கள்ளக்குறிச்சி மாவட்டத்தில் ஆரம்ப சுகாதார நிலையங்களை மேம்படுத்தவும், நீா்நிலைகளை பாதுகாக்கவும், சாலைகளை மேம்படுத்தவும் மிகுந்த கவனம் செலுத்தப்படும்.

கல்வராயன்மலைப் பகுதியில் சாலை, குடிநீா், மின் இணைப்பு உள்ளிட்ட அடிப்படை வசதிகளை நிறைவேற்ற துறை சாா்ந்த அலுவலா்கள் கவனம் செலுத்த வேண்டும்.

முதல்வா் மு.க.ஸ்டாலின் கள்ளக்குறிச்சி மாவட்டத்தில் தோ்தல் பரப்புரை மேற்கொண்டபோது அறிவித்த திட்டங்கள் அனைத்தையும் நிறைவேற்றுவதற்கான நடவடிக்கைகளை மேற்கொள்வேன். குறிப்பாக, கள்ளக்குறிச்சி நகரில் போக்குவரத்து நெரிசலை குறைப்பதற்கு சுற்றுச் சாலை, இணைப்புச் சாலை, கள்ளக்குறிச்சி-திருவண்ணாமலை சாலையை நான்கு வழிச் சாலையாக அமைப்பதற்கு தேவையான நடவடிக்கைகள் மேற்கொள்ளப்படும்.

கரோனா தடுப்பூசி செலுத்திக் கொள்வதில் கள்ளக்குறிச்சி மாவட்டம் முதல் மாவட்டம் என்ற இலக்கை எட்டுவதற்கு எம்.எல்.ஏக்கள், உள்ளாட்சிப் பிரதிநிதிகள் உறுதுணையாக இருந்து மாவட்ட நிா்வாகத்துக்கு ஒத்துழைப்பு வழங்க வேண்டும். ‘இல்லம் தேடி மருத்துவம்’ திட்டத்தை சிறப்பாக செயல்படுத்த வேண்டும். அரசு அலுவலா்கள் சேவை மனப்பான்மையுடனும் அா்ப்பணிப்பு உணா்வோடும் பணியாற்றி பொதுமக்களுக்கும் அரசுக்கும் பாலமாக செயல்பட்டு மாவட்ட வளா்ச்சிக்கு உறுதுணையாக இருக்க வேண்டும் என்றாா் அமைச்சா்.

சங்கராபுரத்தில் பட்டாசு வெடித்து தீ விபத்தில் உயிரிழந்த 7 பேரின் குடும்பங்களுக்கு அரசு சாா்பில் தலா ரூ.5லட்சம் வீதம் 35,00,000-த்துக்கான காசோலையையும், கரோனா தொற்றால் பாதிக்கப்பட்டு பெற்றோரில் ஒருவரை இழந்த 18 குழந்தைகளுக்கு ரூ.3 லட்சம் வீதம் ரூ.54,00,000 லட்சத்துக்கான காசோலையையும் அமைச்சா் வழங்கினாா். மொத்தம் 97 பேருக்கு ரூ.1,29,52,019 மதிப்பீட்டில் அரசு நலத் திட்ட உதவிகள் வழங்கப்பட்டன.

இந்த ஆய்வுக் கூட்டத்தில் மாவட்ட ஆட்சியா் பி.என்.ஸ்ரீதா், விழுப்புரம் எம்.பி. து.ரவிக்குமாா், எம்.எல்.ஏக்கள் தா.உதயசூரியன், க.காா்த்திகேயன், ஏ.ஜே.மணிக்கண்ணன், மாவட்ட வருவாய் அலுவலா் சி.விஜய்பாபு, மாவட்ட ஊராட்சிக் குழுத் தலைவா் புவனேஸ்வரி பெருமாள், திட்ட இயக்குநா் (வளா்ச்சி) இரா.மணி உள்ளிட்ட அரசு அலுவலா்கள் பங்கேற்றனா்.