வீட்டு வாசலில் ரங்கோலி ஓவியக் கோலம்: புதுவை டெரக்கோட்டா கலைஞா் அசத்தல்

புதுச்சேரியில் உழவா் தினத்தையொட்டி, தனது வீட்டு வாசலில் பெரிய ரங்கோலி ஓவியக் கோலமிட்டு டெரக்கோட்டா கலைஞா் அசத்தினாா்.

புதுச்சேரி மூலக்குளம் பெரம்பை சாலைப் பகுதியைச் சோ்ந்தவா் வெங்கடேசபெருமாள். டெரக்கோட்டா கலைஞரான இவா், சிறு வயது முதலே ஓவியம் மீது ஆா்வம் கொண்டு வரைந்து வருகிறாா். தொடா்ந்து, தனது தனித் திறமையால் ஆண்டுதோறும் முக்கியப் பண்டிகை நாள்களில் தனது வீட்டின் வாசலில் வண்ணக் கோலமாவு கொண்டு ரங்கோலி ஓவியங்களை வரைந்து அசத்தி வருகிறாா்.

நிகழாண்டு பொங்கல் பண்டிகையையொட்டி, சனிக்கிழமை திருவள்ளுவா் தினத்தில், தனது வீட்டு வாசலில் 7 அடி அகலம், 5 அடி நீளத்தில் ரங்கோலி ஓவியத்தை கோலமாக வரைந்தாா். அதில், விவசாயம், தமிழா்களின் பாரம்பரியம் உள்ளிட்டவற்றை ஓவியமாக வரைந்தாா்.

இதற்காக 4 மணி நேரத்தில், 4 கிலோ வண்ணக் கோலமாவுகளைக் கொண்டு, இந்த ரங்கோலியை அவா் வரைந்தாா். சாதாரண கோலமாவை மட்டுமே பயன்படுத்தி, 3டி வடிவில் இந்த ரங்கோலி ஓவியக் ஓவியத்தை வரைந்து அசத்தியுள்ளாா். இந்தக் கோலத்தை ஏராளமான பொதுமக்கள் ஆா்வமுடன் பாா்த்துச் சென்றனா்.