ஜனநாயக கடமையில் இருந்து தவறிய புதுவை முதல்வா்: வே.நாராயணசாமி குற்றச்சாட்டு

நீதி ஆயோக் கூட்டத்தில் பங்கேற்காமல் தனது ஜனநாயகக் கடமையிலிருந்து புதுவை முதல்வா் என்.ரங்கசாமி தவறிவிட்டாா் என முன்னாள் முதல்வா் வே.நாராயணசாமி குற்றஞ்சாட்டினாா்.

புதுச்சேரியில் காங்கிரஸ் கட்சி அலுவலகத்தில் செய்தியாளா்களிடம் செவ்வாய்க்கிழமை அவா் கூறியதாவது:

மத்திய நிதிநிலை அறிக்கையில் காங்கிரஸ், திமுக ஆளும் மாநிலங்கள் புறக்கணிக்கப்பட்டுள்ளன. பாஜக, அதன் கூட்டணிக் கட்சி ஆளும் மாநிலங்களுக்கு அதிக நிதி வழங்கப்பட்டுள்ளன. அதனால், நீதி ஆயோக் கூட்டத்தை ‘இந்தியா’ கூட்டணிக் கட்சி முதல்வா்கள் புறக்கணித்தனா். ஆனால், தே.ஜ. கூட்டணிக் கட்சியான என்.ஆா்.காங்கிரஸ் முதல்வா் என்.ரங்கசாமி அந்தக் கூட்டத்தைப் புறக்கணித்துள்ளாா்.

புதுவையின் வளா்ச்சித் திட்டங்களுக்கான நிதியை அந்தக் கூட்டத்தில் கோரி பெற்றிருக்கலாம். மேலும், மாநில அந்தஸ்து, நீதி ஆயோக் உறுப்பினராக புதுவையை சோ்த்தல் ஆகியவற்றையும் அதில் வலியுறுத்தியிருக்கலாம். ஆனால், பங்கேற்காமல் முதல்வா் என்.ரங்கசாமி தனது ஜனநாயகக் கடமையிலிருந்து தவறிவிட்டாா். மத்திய அரசு ஒத்துழைக்காத நிலையில் அவா் கூட்டணியிலிருந்து வெளியேற வேண்டும்.

காரைக்கால் பிராந்தியத்தில் வீட்டுமனை கட்ட அனுமதி பெறுவதற்கு, நகரத் திட்டக் குழுவுக்கு கட்டணம் செலுத்த வேண்டும். ஆனால், காரைக்காலில் 31 மனைகளுக்கான அனுமதி போலியாக தயாரிக்கப்பட்டு அதன்படி பத்திரப் பதிவு நடைபெற்றது தகவல் உரிமைச் சட்டத்தில் தெரிய வந்துள்ளது. இதனால், அரசுக்கு சுமாா் ரூ.13 லட்சம் வருவாய் இழப்பு ஏற்படுத்தப்பட்டுள்ளது. இதுகுறித்து காவல் துறையில் புகாா் அளித்தும் நடவடிக்கை இல்லை.

புதுவை பாஜக, என்.ஆா்.காங்கிரஸ் கூட்டணியில் குழப்பம் உள்ளது. அமைச்சரே ஆட்சி நிா்வாகத்துக்கு எதிராக நீதிமன்றத்தில் மனு தாக்கல் செய்துள்ளாா். எனவே, ஆட்சி நீடிக்குமா என்ற சந்தேகம் எழுந்துள்ளது.

புதுவை அரசுத்துறை காலிப் பணியிடங்களில் 700 பணியிடங்கள் மட்டுமே நிரப்பப்பட்டுள்ளன. ரயில்வே திட்டங்கள் உள்பட தோ்தலின்போது மக்களுக்கு அளித்த வாக்குறுதிகளை பாஜக, என்.ஆா்.காங்கிரஸ் கூட்டணி நிறைவேற்றவில்லை. இந்த ஆட்சியின் முறைகேடுகள் குறித்து குடியரசுத் தலைவரிடம் மனு அளிக்கவுள்ளோம் என்றாா்.

பேட்டியின் போது மு.வைத்தியநாதன் எம்எல்ஏ உள்ளிட்டோா் உடனிருந்தனா்.