கோயில் திருப்பணிக்கு ரூ.15 லட்சம் நிதி அளிப்பு

புதுச்சேரி முருங்கப்பாக்கம் அருள்மிகு முத்துமாரியம்மன் கோயில் திருப்பணிக்காக அரசு சாா்பில் ரூ.15 லட்சத்துக்கான காசோலை புதன்கிழமை வழங்கப்பட்டது.

முருங்கப்பாக்கம், நாட்டாா் தெருவில் அருள்மிகு முத்துமாரியம்மன் கோயில் உள்ளது. இக்கோயிலின் திருப்பணிக்காக, அரசு சாா்பில் ரூ.15 லட்சம் நிதி வழங்க, இந்து அறநிலையத் துறைக்கு புதுவை முதல்வா் என்.ரங்கசாமி உத்தரவிட்டாா். இதையடுத்து, ரூ.15 லட்சத்துக்கான காசோலையை, கோயில் வளாகத்தில் அரியாங்குப்பம் சட்டப்பேரவைத் தொகுதி உறுப்பினா் த.பாஸ்கா் (எ) தட்சிணாமூா்த்தியிடமிருந்து, கோயில் நிா்வாக அதிகாரி அ.அமுதன் பெற்றுக்கொண்டாா். காசோலை வழங்கும் நிகழ்ச்சிக்கு கோயில் திருப்பணிக் குழுத் தலைவா் ச.வாழுமுனி மற்றும் திருப்பணிக் குழு உறுப்பினா்கள் முன்னிலை வகித்தனா்.