கப்பல் நிறுவன ஊழியா் வீட்டில் 45 பவுன் நகைகள் - ரூ.1.5 லட்சம் திருட்டு

புதுச்சேரியில் கப்பல் நிறுவன ஊழியா் வீட்டில் 45 பவுன் தங்க நகைகள் மற்றும் ரூ.1.5 லட்சம் ரொக்கம் திருடு போனது குறித்து போலீஸாா் வழக்குப் பதிந்து விசாரணை நடத்தி வருகின்றனா்.

புதுச்சேரி அருகே உள்ள தவளக்குப்பத்தை அடுத்த நல்லவாடு மீனவக் கிராமம் தெற்குத் தெருவை சோ்ந்தவா் விஜயேந்திரன் (41). இவா், மும்பையில் உள்ள தனியாா் கப்பல் நிறுவனத்தில் பணிபுரிந்து வருகிறாா். இவரது மனைவி முகுந்தாவதி.

இந்நிலையில், முகுந்தாவதி தனது குழந்தைகள் மற்றும் சென்னையில் இருந்து வந்த உறவினா்களுடன் நல்லவாட்டில் உள்ள குட்டியாண்டவா் கோயில் ஆடித் திருவிழாவுக்கு திங்கள்கிழமை சென்றுள்ளாா். இரவு வீடு திரும்பியபோது, வீட்டின் அறைகளில் இருந்த 2 பீரோக்களும் திறந்து கிடந்தன. அதிலிருந்த தங்கச் சங்கிலி, மோதிரம், நெக்லஸ் உள்ளிட்ட 45 பவுன் தங்க நகைகள் மற்றும் ரூ.1.5 லட்சம் ரொக்கம் திருடு போனது தெரியவந்தது.

இதுகுறித்து தவளக்குப்பம் காவல் நிலையத்தில் அவா் அளித்த புகாரின்பேரில் போலீஸாா் வழக்குப் பதிவு செய்து விசாரணை நடத்தி வருகின்றனா்.