கோயில் உண்டியல் உடைப்பு

வானூர் அருகே  கிளியனூரை அடுத்த ஆதனப்பட்டு கிராமத்தில் அங்காளம்மன் கோயில் உள்ளது. ஊரிலிருந்து சற்றுத் தொலைவில் அமைந்துள்ள இந்தக் கோயிலின் முன்பகுதியில் பக்தர்கள் காணிக்கை செலுத்த உண்டியல் வைக்கப்பட்டுள்ளது. 
இந்த உண்டியலை ஞாயிற்றுக்கிழமை நள்ளிரவு மர்மநபர்கள் உடைத்து காணிக்கைப் பணம் ரூ.2,500-ஐ  திருடிக்கொண்டு தப்பினர். 
இதுகுறித்து கோயில் நிர்வாகி ரகு அளித்த புகாரின் பேரில் கிளியனூர் போலீஸார், நிகழ்விடத்துக்கு வந்து பார்வையிட்டு திருட்டில் ஈடுபட்ட மர்ம நபர்களை தேடி வருகின்றனர்.