அகவிலைப்படி உயர்வு: தமிழக அரசுக்கு நன்றி

மத்திய அரசுப் பணியாளர்களுக்கு வழங்கியதைப்போல, தமிழக அரசுப் பணியாளர்களுக்கும் ஜனவரி முதல் மூன்று சதவீதம் அகவிலைப்படியை அறிவித்த தமிழக அரசுக்கு அமைச்சுப் பணியாளர்கள் செயல்திறன் கூட்டு இயக்கத்தினர் (ஜாஸ்மின்ஸ்)  நன்றி தெரிவித்தனர்.
மேலும், மருத்துவத் துறையில் காலியாக உள்ள அனைத்து அமைச்சுப் பணியாளர்கள் பணியிடங்களையும் போர்க்கால அடிப்படையில் நிரப்ப சுகாதாரத் துறைச் செயலர் நடவடிக்கை எடுக்க வேண்டும். 
அரசு ஊழியர்களுக்கான புதிய ஓய்வூதியத் திட்டத்தை ரத்து செய்துவிட்டு, பழைய ஓய்வூதியத் திட்டத்தையே அமல்படுத்த வேண்டும். மருத்துவப் படியை ரூ. ஆயிரமாக உயர்த்த வேண்டும். பண்டிகை முன் பணத்தை ரூ.10 ஆயிரமாக உயர்த்த வேண்டும் என கோரிக்கை விடுத்துள்ளனர்.