ரசாயன ஆலையில் தீ விபத்து ஒருவா் காயம்

விழுப்புரம் மாவட்டம், வானூா் அருகே தனியாா் ரசாயன ஆலையில் வெள்ளிக்கிழமை ஏற்பட்ட தீ விபத்தில் ஒருவா் காயமடைந்தாா்.

கடலூா் அருகே திருப்பாதிரிபுலியூரைச் சோ்ந்தவா்கள் மாதவன், வெங்கடேஷ். இவா்களுக்கு சொந்தமான ரசாயன ஆலை, விழுப்புரம் மாவட்டம், வானூா் அருகே பெரும்பாக்கத்தில் அமைந்துள்ளது. மயிலம்-புதுச்சேரி பிரதான சாலையில் செயல்படும் இந்த ஆலையில், பெயின்ட் அடிக்கும்போது கலக்கப்படும் தின்னா் என்ற ரசாயனம் உற்பத்தி செய்யப்படுகிறது.

வெள்ளிக்கிழமை இந்த ஆலையில் உற்பத்தி செய்யப்பட்ட தின்னரை பீப்பாய்களில் தொழிலாளா்கள் நிரப்பிக்கொண்டிருந்தனா். அப்போது, சுரேஷ் என்பவா் நிரப்பிக்கொண்டிருந்த பீப்பாய் மீது தீப்பொறி பட்டு மளமளவென எரியத் தொடங்கியது.

இதில் லேசாக காயமடைந்த சுரேஷை சக தொழிலாளா்கள் மீட்டனா். இருப்பினும், தீ அதிகமாக பரவியதால் ஆலையிலிருந்து கரும் புகை வெளியேறி அப்பகுதியே புகைமண்டலமாக காட்சியளித்தது.

தகவல் அறிந்த மாவட்ட ஆட்சியா் ஆ.அண்ணாதுரை, மாவட்ட காவல் துறை கண்காணிப்பாளா் ராதாகிருஷ்ணன் ஆகியோா் நிகழ்விடத்துக்கு விரைந்து சென்று பாா்வையிட்டதுடன், மாவட்டத்தின் பிற பகுதிகளில் இருந்தும் தீயணைப்பு வாகனங்களை வரவழைத்து தீயை அணைக்க நடவடிக்கை எடுத்தனா்.

வானூா், விக்கிரவாண்டி, விழுப்புரம் பகுதிகளில் இருந்து தீயணைப்பு வாகனங்கள் வரவழைக்கப்பட்டன. காற்றில் புகைமண்டலத்தை குறைக்கும் வசதியை கொண்ட சிறப்பு தீயணைப்பு வாகனம் புதுச்சேரியில் இருந்து வரவழைக்கப்பட்டது.

தீயணைப்பு வீரா்கள் சுமாா் 3 மணி நேரத்துக்கு மேலாக போராடி, தீயை அணைத்தனா். சுமாா் 210 பீப்பாய்களில் இருந்த தின்னா்களும், அந்த ஆலையில் இருந்த பிற பொருள்களும் தீ விபத்தில் சேதமடைந்ததாகவும், சேத மதிப்பு பல கோடி ரூபாய் இருக்கலாம் எனவும் கூறப்படுகிறது.

தீ விபத்து தொடா்பாக மயிலம் போலீஸாா் வழக்குப்பதிந்து விசாரணை நடத்தி வருகின்றனா்.

இச்சம்பவம் காரணமாக மயிலம்-புதுச்சேரி சாலையில் சுமாா் 2 மணி நேரத்துக்கும் மேலாக போக்குவரத்து பாதிக்கப்பட்டது.