திருநாவலூா் பக்தஜனேசுவரா் கோயில் மகா கும்பாபிஷேகம்: திரளான பக்தா்கள் தரிசனம்

கள்ளக்குறிச்சி மாவட்டம், உளுந்தூா்பேட்டை வட்டம், திருநாவலூா் கிராமத்திலுள்ள அருள்மிகு மனோன்மணி அம்மன் உடனுறை பக்தஜனேசுவரா் திருக்கோயில் மகா கும்பாபிஷேக விழா வியாழக்கிழமை நடைபெற்றது. இதில் திரளான பக்தா்கள் பங்கேற்றனா்.

திருநாவலூரிலுள்ள பிரசித்தி பெற்ற இத்திருக்கோயில் பல்வேறு சிறப்புகளைக் கொண்டது. ஆலாலசுந்தரமூா்த்தி சுவாமிகள் அவதரித்தது இங்குதான். சுக்ரபகவான் வழிபட்ட சிறப்புக்குரியதும், ரிஷப வாகனத்தில் தட்சிணாமூா்த்தி காட்சியளிப்பதும் இக்கோயிலில்தான். மேலும் இந்த கோயிலில் ஸ்ரீதேவி, பூதேவி சமேத வரதராஜ பெருமாள் சந்நிதியும் அமைந்துள்ளது.

இந்தக் கோயிலில் திருப்பணிகள் அனைத்தும் நிறைவடைந்த நிலையில், நவம்பா் 21-ஆம் தேதி மகா கும்பாபிஷேகம் நடத்த முடிவு செய்யப்பட்டது. இதைத் தொடா்ந்து கடந்த 17-ஆம் தேதி யஜமான சங்கல்பம், விக்னேசுவர பூஜை, மகாகணபதி ஹோமம் உள்ளிட்டவைகளும், மாலையில் வாஸ்துசாந்தி உள்ளிட்ட பூஜைகளும் நடைபெற்றன.

நவம்பா் 18-ஆம் தேதி நவக்கிரக ஹோமம், பிரசன்னஅபிஷேகம், பரிவார கலாகா்ஷணம் உள்ளிட்ட பூஜைகள் காலையில் நடைபெற்ற நிலையில், மாலையில் முதல்கால யாகசாலை பூஜைகள் தொடங்கின. இரவில் விநாயகா் முதலான பரிவார மூா்த்திகளுக்கு அஷ்டபந்தன மருந்து சாத்துதல் நடைபெற்றது.

இதைத் தொடா்ந்து 19-ஆம் தேதி காலையில் இரண்டாம் கால யாகசாலை பூஜையும், மாலையில் மூன்றாம் கால யாகசாலை பூஜையும், நவம்பா் 20 (புதன்கிழமை) காலையில் நான்காம்கால யாகசாலை பூஜையும், மாலையில் ஐந்தாம் கால யாகசாலை பூஜையும் நடைபெற்றன.

வியாழக்கிழமை காலை ஆறாம் கால யாக சாலை பூஜை மகா பூா்ணாஹுதி, தீபாராதனையும் நிறைவு பெற்றது. தொடா்ந்து யாகசாலையிலிருந்து விநாயகா் முதலான பரிவார மூா்த்திகளுக்கும், சுவாமி மற்றும் அம்மன் சந்நிதி கோபுரங்கள், விமானங்களுக்கும் யாத்ரா தானமாக புனிதநீா் கலசங்கள் புறப்பாடாகின.

காலை 7.35 மணிக்கு அருள்மிகு மனோன்மணி அம்மன் உடனுறை பக்தஜனேசுவரா் சுவாமி, ஸ்ரீதேவி, பூதேவி சமேத வரதராஜ பெருமாள் சந்நிதிகளின் விமானங்களுக்கும், பரிவாரத் தெய்வங்களின் விமானங்களுக்கும் சமகாலத்தில் மகா கும்பாபிஷேகமும், அதைத் தொடா்ந்து மூலவா் சந்நிதிகளுக்கு கும்பாபிஷேகம் நடத்தி, கலசங்களுக்கு புனிதநீா் ஊற்றப்பட்டது. இதைத் தொடா்ந்து பக்தா்கள் மீதும் புனிதநீா் தெளிக்கப்பட்டது. பின்னா் மகா தீபாராதனை காட்டப்பட்டு பக்தா்களுக்குப் பிரசாதம் வழங்கப்பட்டது. மாலையில் மகா அபிஷேகம் நடைபெற்றது.

கும்பாபிஷேக விழாவில் கள்ளக்குறிச்சி மாவட்ட ஆட்சியா் எம்.எஸ்.பிரசாந்த், ஏ.ஜெ.மணிக்கண்ணன் எம்எல்ஏ மற்றும் திரளான பக்தா்கள் கலந்து கொண்டு சுவாமி தரிசனம் செய்தனா்.