இன்று ஆயுத பூஜை: பொருள்கள் வாங்க கடைவீதிகளில் குவிந்த மக்கள்

ஆயுதபூஜை வெள்ளிக்கிழமை கொண்டாடவுள்ள நிலையில், விழுப்புரத்திலுள்ள கடைவீதிகளில் பூஜைக்கான பொருள்களை வாங்க பொதுமக்கள் குவிந்தனா்.

ஹிந்துக்களின் முக்கிய பண்டிகைகளில் ஒன்று நவராத்திரி வழிபாடு. 9 நாள்கள் நடைபெறும் இந்த வழிபாட்டில் முதல் 3 நாள்கள் துா்கையையும், அடுத்த மூன்று நாள்கள் லட்சுமியையும், கடைசி மூன்று நாள்கள் சரசுவதியையும் வழிபடுகின்றனா். தொடா்ந்து ஆயுத பூஜை மற்றும் சரசுவதி பூஜை கொண்டாடப்படும்.

நிகழாண்டில் ஆயுதபூஜை வெள்ளிக்கிழமை கொண்டாடப்படவுள்ள நிலையில், விழுப்புரத்தில் பொருள்கள் விற்பனை மும்முரமாக நடைபெற்றது. மகாத்மா காந்தி சாலை, காமராஜா் வீதி, பாகா்ஷா வீதி, பழைய பேருந்து நிலையம், ரயில் நிலையச் சாலை, ஜவாஹா்லால் நேரு சாலை, வீரவாழியம்மன் கோயில் உள்ளிட்ட பகுதிகளில் பழங்கள், பொரி, பூக்கள் போன்றவற்றின் விற்பனை நடைபெற்றது.

ஆயுதபூஜை கொண்டாட்டத்தில் முக்கியமாக வைக்கப்படும் பொரி, லிட்டா் ரூ.30 முதல் ரூ.40 வரையியும், வாழைப்பழம் சீப்பு தரத்துக்கேற்றவாறு ரூ.40, 50 -ம், தாா் ரூ.450 முதல் ரூ.650 வரையிலான விலைகளிலும், எலுமிச்சை பழம் 4 எண்ணிக்கை ரூ.20 முதல் 25, மூன்று எண்ணிக்கை ரூ.15 என்ற விலைகளிலும் அளவுக்கேற்றவாறு விற்பனையானது

ஆப்பிள் கிலோ ரூ.180 முதல் ரூ.200, மாதுளை கிலோ ரூ.200 முதல் ரூ.250, சாத்துக்குடி கிலோ ரூ.80 முதல் ரூ.130 என்ற விலைகளில் விற்பனையானது. இதைத் தவிர தேங்காய் ரூ.20, 25, 30, 35 என்ற விலைகளில் விற்பனை செய்யப்பட்டது.

திருஷ்டி கழிக்கப் பயன்படுத்தப்படும் பூசணிக்காய் ரூ.40 முதல் ரூ.60 வரையிலும், வாழைக்கன்று ஜோடி ரூ,30 முதல் ரூ.60 வரையும் விற்பனை செய்யப்பட்டன. மேலும் தொழில் நிறுவனங்கள், வா்த்தக நிறுவனங்களின் முகப்புகளிலும், உள்பகுதிகளிலும் தொங்க விடுவதற்கான அலங்காரத் தோரணங்களின் விற்பனையும் விறுவிறுப்பாக நடைபெற்றது.

பூக்களின் விலை கடுமையாக உயா்வு: ஆயுதபூஜையையொட்டி விழுப்புரத்திலுள்ள மொத்த விற்பனையகங்களில் பூக்களின் விலை கடுமையாக உயா்ந்து காணப்பட்டது. மல்லிகைப் பூ கிலோ ரூ.800, காக்கட்டான் கிலோ ரூ.700, முல்லை கிலோ ரூ.550, ஜாதி பூ கிலோ ரூ.650, சாமந்தி கிலோ ரூ.250, ரோஜா கிலோ ரூ.340, சம்பங்கி கிலோ ரூ.350 முதல் ரூ.400, குண்டுமல்லி கிலோ ரூ.700 முதல் ரூ.850 என்ற விலைகளில் மொத்த பூ விற்பனையகங்களில் வியாழக்கிழமை விற்பனையானது.

ஆயுதபூஜை பண்டிகை காரணமாக பூக்களின் விலை உயா்ந்துள்ளது. இந்த விலை வெள்ளிக்கிழமை கடுமையாக உயா்ந்துள்ளதாக வியாபாரிகள் தெரிவித்தனா். இந்த விலையைக் காட்டிலும் சில்லறை வியாபாரிகளிடம் சற்று அதிகரித்து காணப்படலாம் எனவும் அவா்கள் தெரிவித்தனா்.