பதுக்கி வைக்கப்பட்டிருந்த புகையிலைப் பொருள்கள் பறிமுதல்

விழுப்புரத்தில் வீட்டின் பின்புறத்தில் பதுக்கி வைக்கப்பட்டிருந்த புகையிலைப் பொருள்களை போலீஸாா் திங்கள்கிழமை இரவு பறிமுதல் செய்தனா்.

விழுப்புரம் மேற்கு காவல் நிலைய உதவி ஆய்வாளா் பிரியங்கா மற்றும் போலீஸாா் நகரின் பல்வேறு பகுதிகளில் திங்கள்கிழமை இரவு சோதனை மேற்கொண்டனா். விழுப்புரம் அருந்ததியா் தெருவில் போலீஸாா் சோதனை நடத்தியபோது, அங்கு வீட்டின் பின்புறத்தில் மாவா புகையிலைப் பொருள் 19 கிலோ 885 கிராம் அளவில் பதுக்கி வைக்கப்பட்டிருப்பது தெரியவந்தது.

இது தொடா்பாக விழுப்புரம் மேற்கு காவல் நிலைய போலீஸாா் புகையிலைப் பொருள்களை பதுக்கி வைத்திருந்ததாக வி.ராஜா (40) மீது வழக்குப் பதிந்து விசாரித்து வருகின்றனா்.