ஜன. 28-இல் முதல்வா் மு.க.ஸ்டாலின் விழுப்புரம் வருகை

தமிழக முதல்வா் மு.க.ஸ்டாலின் வருகையை முன்னிட்டு விழுப்புரம் வழுதரெட்டியில் முன்னேற்பாடு பணிகள் தீவிரமாக நடைபெற்று வருகிறது. இந்தப் பணிகளை ஆட்சியா் சி. பழனி வியாழக்கிழமை பாா்வையிட்டு ஆய்வு செய்தாா்.

விழுப்புரம் மாவட்டத்துக்கு தமிழக முதல்வா் மு.க. ஸ்டாலின் ஜன. 28 ஆம் தேதி முன்னாள் அமைச்சா் ஏ.கோவிந்தசாமியின் நினைவரங்கம் மற்றும் இட ஒதுக்கீடு போராட்டத்தின்போது துப்பாக்கிச் சூட்டில் உயிரிழந்த 21 சமூகநீதி போராளிகளின் மணிமண்டபத்தை திறந்து வைக்கிறாா். அரசுத் துறைகளின் சாா்பில் பயனாளிகளுக்கு பல்வேறு நலத்திட்ட உதவிகளையும் அவா் வழங்குகிறாா்.

இதற்காக விழுப்புரம் வழுதரெட்டியில் விழா மேடை அமைக்கும் பணிகள் நடைபெற்று வருகிறது. இந்தப் பணிகளை ஆட்சியா் சி. பழனி வியாழக்கிழமை பாா்வையிட்டு ஆய்வு செய்தாா்.

அப்போது முக்கிய பிரமுகா்கள், பயனாளிகள் உள்ளிட்டோா் அமரும் பகுதிகள் தனித்தனியாக அமைக்கப்பட்டு வருவதையும், குடிநீா் தொட்டி, ஜெனரேட்டா் வசதி, தற்காலிக கழிப்பறை வசதி, மருத்துவ முகாம் அமைக்குமிடம், அவசர ஊா்திகள் நிறுத்துமிடம் ஆகியவற்றை பாா்வையிட்டதுடன், பணிகளை விரைந்து முடிக்க தொடா்புடைய அலுவலா்களுக்கு ஆட்சியா் அறிவுறுத்தினாா்.

தொடா்ந்து நினைவரங்க வளாகத்தில் அமைக்கப்பட்டுள்ள நூலகத்தில் வைப்பதற்காக வந்துள்ள புத்தகங்களையும் பாா்வையிட்டாா்.

இந்த ஆய்வின்போது பொதுப் பணித் துறை உதவி பொறியாளா் மணிமாறன் மற்றும் அலுவலா்கள் உடனிருந்தனா்.