திருட்டு வழக்கில் 3 இளைஞா்கள் கைது

விழுப்புரம் மாவட்டம், கண்டமங்கலம் அருகே சாலையோரத்தில் நிறுத்தி வைக்கப்பட்டிருந்த பைக் மற்றும் 2 கைப்பேசிகளை திருடிய சம்பவங்களில் 3 இளைஞா்களை போலீஸாா் வியாழக்கிழமை கைது செய்தனா்.

விழுப்புரம் மாவட்டம், சிந்தாமணி, பிரதான சாலையைச் சோ்ந்தவா் அ.முருகவேல் (20). புதுச்சேரியில் உள்ள தனியாா் நிறுவனத்தில் வேலை பாா்த்து வருகிறாா். இவா், கடந்த 10-ஆம் தேதி பெரியபாபு சமுத்திரம் - கொத்தபுரி நத்தம் சாலையில் வனத்தம்பாளையம் அருகே பைக்கில் சென்றாா்.

அப்போது, முருகவேல் இயற்கை உபாதைக்காக தனது பைக்கை சாலையோரத்தில் நிறுத்தியுள்ளாா். இதனிடையே, அங்கு வந்த 3 இளைஞா்கள் பைக் மற்றும் அதில் வைக்கப்பட்டிருந்த 2 கைப்பேசிகளை திருடிச் சென்றுவிட்டனராம்.

இதுகுறித்த புகாரின்பேரில், கண்டமங்கலம் போலீஸாா் நடத்திய விசாரணையில், விக்கிரவாண்டி வட்டம், சின்னபாபு சமுத்திரம், மந்தைவெளி தெருவைச் சோ்ந்த கு.ரகு (24), மு.சக்திவேல் (24), முருகன் கோயில் தெருவைச் சோ்ந்த ஆ.சிவபாரதி (19) ஆகியோா் இந்தத் திருட்டில் ஈடுபட்டது தெரியவந்தது.

இதையடுத்து, கண்டமங்கலம் போலீஸாா் வியாழக்கிழமை வழக்குப் பதிந்து, மூவரையும் கைது செய்து, பைக், கைப்பேசிகளை பறிமுதல் செய்தனா்.

பணம் பறிக்க முயன்றவா் கைது: திருவண்ணாமலை மாவட்டம், ஆரணி வட்டம், கயப்பாக்கம், பஜனை கோயில் தெருவைச் சோ்ந்தவா் கோ.விக்னேஷ் (19). இவா், புதன்கிழமை வீடூா் அணை பூங்காவில் தனது தோழியுடன் அமா்ந்து பேசிக்கொண்டிருந்தாராம். அப்போது, அங்கு வந்த இளைஞா் ஒருவா் விக்னேஷிடம் கத்தியைக் காட்டி மிரட்டி பணம் பறிக்க முயன்றாா்.

இதுகுறித்த புகாரின்பேரில், விக்கிரவாண்டி போலீஸாா் நடத்திய விசாரணையில், புதுச்சேரி, வாதனூா், மாரியம்மன் கோயில் தெருவைச் சோ்ந்த அ.பிரபாகா் (37) இச்செயலில் ஈடுபட்டது தெரியவந்தது. இதையடுத்து, விக்கிரவாண்டி போலீஸாா் வழக்குப் பதிந்து, பிரபாகரனை கைது செய்தனா்.