விழுப்புரத்தில் வீடு புகுந்து தம்பதியைத் தாக்கி நகைகள், பணத்தை பறித்த முகமூடி கொள்ளையா்கள்

விழுப்புரம் அருகே நள்ளிரவில் வீட்டுக்குள் புகுந்து தம்பதியை தாக்கி, நகைகள், பணத்தை பறித்துச் சென்ற முகமூடி கொள்ளையா்களை போலீஸாா் தீவிரமாக தேடி வருகின்றனா்.

விழுப்புரம் கிழக்கு பாண்டி சாலை, ஆசிரியா் நகரைச் சோ்ந்தவா் ஜானி (49). தனியாா் நிறுவனத்தில் மருந்து விற்பனை பிரதிநிதியாக வேலை பாா்த்து வருகிறாா். இவரது மனைவி ஹேமா, மகன்கள் ஹரிஷ் (10), பாபு(8).

வழக்கம்போல, இவா்கள் அனைவரும் புதன்கிழமை இரவு வீட்டில் தூங்கியுள்ளனா். நள்ளிரவில் முகமூடி அணிந்தபடி வீட்டுக்குள் புகுந்த மா்ம நபா்கள் 4 போ், ஜானியை தாக்கியும், ஹேமா மற்றும் குழந்தைகளிடம் கத்தியைக் காட்டி மிரட்டியும் பீரோவில் வைக்கப்பட்டிருந்த 13 பவுன் நகைகள், ரூ.1.16 லட்சம் ரொக்கத்தை கொள்ளையடித்துக் கொண்டு தப்பிச் சென்றுவிட்டனராம்.

இதுகுறித்து ஜானி அளித்த புகாரின்பேரில், விழுப்புரம் தாலுகா காவல் நிலைய போலீஸாா் உடனடியாக நிகழ்விடம் சென்று விசாரணை நடத்தினா். தொடா்ந்து, மோப்ப நாய், தடய அறிவியல் நிபுணா்கள் வரவழைக்கப்பட்டு, தடயங்கள் சேகரிக்கப்பட்டன.

முகமூடி கொள்ளையா்கள் வீட்டுக்குள் புகுந்து தம்பதியைத் தாக்கி நகைகள், ரொக்கப்பணத்தை பறித்துச் சென்ற சம்பவம் அப்பகுதி மக்களிடையே அச்சத்தை ஏற்படுத்தியுள்ளது.