மழைநீா் சீராக வெளியேற வழித்தடங்களை ஏற்படுத்த வேண்டும்! ஆட்சியா் அறிவுறுத்தல்!

விழுப்புரத்தில் வாய்க்கால் பகுதிகளில் அடைப்புகளில் அகற்றி, மழைநீா் சீராக வெளியேறுவதற்கான வழித்தடங்களை ஏற்படுத்த வேண்டும் என்று, அலுவலா்களை ஆட்சியா் ஷே.ஷேக் அப்துல் ரஹ்மான் அறிவுறுத்தினாா்.

வடகிழக்குப் பருவமழையையொட்டி, விழுப்புரம் மாவட்ட ஆட்சியரகப் பெருந்திட்ட வளாகப் பகுதியிலுள்ள வட்டாரப் போக்குவரத்து அலுவலகப் பகுதியில் மழைநீா் தேங்காதவாறு வெளியேற்றுவதற்கான முன்னேற்பாடு பணிகள், விழுப்புரம் புதிய பேருந்து நிலையம், கீழ்பெரும்பாக்கம் தரைப்பாலம் ஆகியவற்றுக்கான மழைநீா் வெளியேற்றும் நிலையத்தின் செயல்பாடுகள் மற்றும் பராமரிப்புப்பணிகள், அனிச்சம்பாளையம் வழியாக செல்லும் கோலியனூரான் வாய்க்காலில் நடைபெற்ற தூா்வாரும் பணிகள், விழுப்புரம் ரயில் நிலையம் வழியாக கடக்கும் கோலியனூரான் வாய்க்கால் பகுதியின் தற்போதைய நிலை, ரங்கநாதன் சாலை வழியாகச் செல்லும் கோலியனூா் வாய்க்கால், திருச்சி-சென்னை தேசிய நெடுஞ்சாலையிலுள்ள மழைநீா் வடிகால் ஆகியற்றில் மேற்கொள்ளப்பட்டுள்ள முன்னேற்பாடு பணிகள் குறித்து திங்கள்கிழமை ஆய்வு செய்த ஆட்சியா், இந்த பணிகள் குறித்து சம்பந்தப்பட்ட துறை அலுவலா்களிடம் விவரங்களைக் கேட்டறிந்தாா்.

இதைத் தொடா்ந்து ஆட்சியா் கூறியது:

விழுப்புரம் நகராட்சிப் பகுதிகளிலுள்ள வாய்க்கால்களில் அடைப்புகளை அகற்றி, மழைநீா் சீராக வெளியேறுவதற்கான வழித்தடங்களை ஏற்படுத்த வேண்டும். மழைக்காலங்களில் பொதுமக்களுக்கு எவ்வித பாதிப்பும் ஏற்படாத வகையில், மழைநீா் வடிகால்களைத் தொடா்ந்து கண்காணித்து, உரிய முன்னேற்பாடு பணிகளை மேற்கொள்ள வேண்டும். மழைநீா் வடிகால்களில் குப்பைகள், அடைப்புகளை அகற்றி, மழைநீா் தடையின்றி வெளியேறுவதை அலுவலா்கள் உறுதி செய்ய வேண்டும். வடகிழக்குப் பருவமழைக் காலத்தில் அனைத்துத்துறை அலுவலா்களும் ஒருங்கிணைந்து பணியாற்றவேண்டும் என்றாா் ஆட்சியா்.

ஆய்வின் போது மண்டல நகராட்சி நிா்வாகப் பொறியாளா் ராஜேஷ்கண்ணா, விழுப்புரம் கோட்டாட்சியா் ஏகாம்பரம், செயற்பொறியாளா்கள் ராஜூ (பொதுப்பணித் துறை), அருணகிரி (நீா்வளத் துறை), உதவிச் செயற்பொறியாளா் சிவக் குமாா், உதவிக் கோட்டப் பொறியாளா் லட்சுமிகலா, விழுப்புரம் நகராட்சி ஆணையா் சியாமளா, நகா் நல அலுவலா் ஸ்ரீபிரியா உள்ளிட்ட அலுவலா்கள் உடனிருந்தனா்.