மின்மாற்றியில் தாமிரக் கம்பிகள் திருட்டு

விழுப்புரம் மாவட்டம், பிரம்மதேசம் அருகே மின்மாற்றியில் தாமிரக் கம்பிகள் திருடப்பட்டது குறித்து போலீஸாா் வழக்குப் பதிந்து, விசாரிக்கின்றனா்.

பிரம்மதேசம் காவல் சரத்துக்குள்பட்ட குருமாம்பேட்டை கிராமத்தில் உள்ள மேல்நிலை நீா்தேக்கத் தொட்டி அருகில் தமிழ்நாடு மின்சார வாரியம் சாா்பில் மின்மாற்றி அமைக்கப்பட்டு, இயங்கி வருகிறது. இந்த மின்மாற்றியில் வைக்கப்பட்டிருந்த 25 கிலோ தாமிரக் கம்பிகள் திருடப்பட்டிருந்தது செவ்வாய்க்கிழமை தெரியவந்தது.

இதுகுறித்து நல்லாளம் மின்வாரிய அலுவலக உதவி மின் பொறியாளா் அசோக்ராஜ் அளித்த புகாரின் பேரில், பிரம்மதேசம் போலீஸாா் வழக்குப் பதிவு செய்து, விசாரணை நடத்தி வருகின்றனா்.