முதியோர்களுக்கான நடமாடும் பல் மருத்துவமனை

முதியோர்களுக்கான நடமாடும் பல் மருத்துவமனை சென்னையில் புதன்கிழமை தொடங்கப்பட்டது.
60 வயதுக்கு மேற்பட்டவர்கள், நடக்க இயலாத நிலையில் உள்ள முதியோருக்கு அவர்களது வீட்டுக்கே சென்று பல் மருத்துவ சிகிச்சை அளிக்கும் வகையில் இம்மருத்துவமனை தொடங்கப்பட்டுள்ளது. 
முதியோர் மருத்துவ நிபுணர் வி.எஸ்.நடராஜன் இம்மருத்துவமனையைத் தொடங்கி வைத்தார்.
இந்த நடமாடும் மருத்துவமனையில் பல் சிகிச்சைக்குத் தேவையான இயந்திரங்கள் நிறுவப்பட்டுள்ளன. 
பல் சொத்தை அடைத்தல், பல் கட்டுதல், ஆடும் பற்களுக்கு சிகிச்சை, லேசர் மூலம் ஈறுகளில் சிகிச்சை உள்ளிட்ட பல்வேறு சிகிச்சைகள் அளிக்கப்படும். 
இம்மருத்துவமனையை பல் கட்டும் சிகிச்சை நிபுணர் முரளி கார்த்திக் நிர்வகிக்கிறார். முதியோர் தங்கள் இல்லத்திலேயே பல் சிகிச்சை பெற 044 - 2462 1988, 88256 85125 ஆகிய எண்களில் தொடர்பு கொள்ளலாம்.