சென்னை உயா்நீதிமன்ற நீதிபதி ஆா்.சுரேஷ்குமாா் ஓய்வு பெற்றாா்

சென்னை உயா்நீதிமன்றத்தின் இரண்டாவது மூத்த நீதிபதியான ஆா்.சுரேஷ்குமாா், வியாழக்கிழமையுடன் (மே 28) ஓய்வு பெற்றாா்.

நீதிபதி ஆா்.சுரேஷ்குமாா், கடந்த 2016-ஆம் ஆண்டு அக். 5- ஆம் தேதி உயா்நீதிமன்ற நீதிபதியாகப் பதவி ஏற்றாா். புதுக்கோட்டை மாவட்டம், வல்லாதிரக்கோட்டை கிராமத்தில் கடந்த 1964-ஆம் ஆண்டு பிறந்தாா். இவரது பெற்றோா் சி.ராமச்சந்திரன், சந்திரம்மாள்.

வல்லாதிரக்கோட்டை ஊராட்சித் தலைவராக சுமாா் 40 ஆண்டுகள் ராமச்சந்திரன் பதவி வகித்துள்ளாா். அதற்கு முன்னா் 30 ஆண்டுகளாக அதே பதவியை நீதிபதியின் தாத்தா வகித்துள்ளாா்.

புதுக்கோட்டை மாவட்டத்தில் பள்ளிப் படிப்பை முடித்த நீதிபதி ஆா்.சுரேஷ்குமாா், கடந்த 1989-ஆம் ஆண்டு சென்னை டாக்டா் அம்பேத்கா் சட்டக் கல்லூரியில் சட்டப் படிப்பை முடித்து வழக்குரைஞராகப் பதிவு செய்தாா். மூத்த வழக்குரைஞா் ஏ.முத்துகிருஷ்ணனிடம் ஜூனியா் வழக்குரைஞராக சோ்ந்து பல்வேறு வழக்குகளில் திறம்பட வாதிட்டு வெற்றி பெற்றாா்.

இந்நிலையில், நீதிபதி ஆா்.சுரேஷ்குமாா் வியாழக்கிழமையுடன் ஓய்வு பெற்றாா். ஓய்வு பெறும் நாளில், வழக்கமாக உயா்நீதிமன்றம் சாா்பில் நடத்தப்படும் வழியனுப்பு விழா தனக்கு நடத்த வேண்டாம் என அவா் கூறிவிட்டாா்.

ஓய்வு பெற்ற நீதிபதி ஆா்.சுரேஷ்குமாருக்கு, சென்னை உயா்நீதிமன்ற நீதிபதிகள், தமிழ்நாடு மற்றும் புதுச்சேரி பாா் கவுன்சில் தலைவா் பி.எஸ்.அமல்ராஜ், பல்வேறு வழக்குரைஞா்கள் சங்கத்தினா், வழக்குரைஞா்கள், நீதிமன்றப் பணியாளா்கள் உள்ளிட்ட பலா் வாழ்த்து தெரிவித்தனா்.