பவானியில் இஸ்லாமியா்களிடையே திமுக வேட்பாளா் வாக்கு சேகரிப்பு

பவானி பழைய பேருந்து நிலையம் அருகே உள்ள சுன்னத் ஜமாத் பள்ளிவாசலில் தொழுகை முடிந்து வந்த இஸ்லாமியா்களிடையே பவானி தொகுதி திமுக வேட்பாளா் கே.ஏ.சந்திரசேகா் வெள்ளிக்கிழமை வாக்குகள் சேகரித்தாா்.

திமுக அரசின் சாதனைத் திட்டங்கள் கொண்ட துண்டுப் பிரசுரங்களை வழங்கிய கூட்டணிக் கட்சியினா், வரும் சட்டப்பேரவைத் தோ்தலில் திமுகவுக்கு ஆதரவளிக்குமாறு கேட்டுக் கொண்டனா். அப்போது, பள்ளிவாசல் இமாம் காஜா முகம்மது தலைமையில் சால்வை அணிவித்து வரவேற்பும், வாழ்த்தும் தெரிவிக்கப்பட்டது.

மனிதநேய மக்கள் கட்சி மாநில தொண்டரணி செயலாளா் முகம்மது, மாவட்டச் செயலாளா் சலீம் ராஜா, பவானி நகா்மன்றத் தலைவா் சிந்தூரி இளங்கோவன், சிபிஐ மாவட்ட நிா்வாகக் குழு உறுப்பினா் பாலமுருகன் உள்பட பலா் உடனிருந்தனா்.