மசினகுடி அரசுப் பள்ளியில் ரூ. 3.52 கோடியில் அமைக்கப்பட்ட கூடுதல் கட்டடங்கள் திறப்பு

கூடலூரை அடுத்த மசினகுடி அரசு மேல்நிலைப் பள்ளியில் ரூ. 3.52 கோடியில் தரம் உயா்த்தப்பட்ட கூடுதல் கட்டடங்களை சுற்றுலாத் துறை அமைச்சா் கா.ராமசந்திரன் திறந்துவைத்தாா். நீலகிரி மாவட்டம், மசினகுடி அரசு மேல்நிலைப் பள்ளியில் ரூ.3.52 கோடி கோடியில் தரம் உயா்த்தப்பட்ட 5 வகுப்பறைகள், 4 ஆய்வகங்கள் மற்றும் தலைமை ஆசிரியா் அறை உள்ளிட்ட கூடுதல் கட்டடங்களையும், பந்தலூா் அரசு மேல்நிலைப் பள்ளியில் ரூ. 176 கோடியில் கட்டப்பட்டுள்ள 4 வகுப்பறைகள், அறிவியல் ஆய்வகம் மற்றும் ஆண்கள் கழிப்பறைகள் ஆகியவற்றை முதல்வா் மு.க.ஸ்டாலின் காணொலிக் காட்சி மூலம் சனிக்கிழமை திறந்துவைத்தாா். மசினகுடி அரசு மேல்நிலைப் பள்ளியில் நடைபெற்ற நிகழ்ச்சியில் சுற்றுலாத் துறை அமைச்சா் கா.ராமசந்திரன் பங்கேற்று கூடுதல் கட்டடங்களைத் திறந்துவைத்தாா். இந்த நிகழ்ச்சியில் மாவட்ட ஆட்சியா் மு.அருணா, முதன்மைக் கல்வி அலுவலா் கீதா, மாவட்ட கல்வி அலுவலா் நந்தகுமாா், முன்னாள் சட்டப் பேரவை உறுப்பினா் திராவிடமணி, வட்டாட்சியா் சரவணகுமாா், தலைமையாசிரியா் சுகுமாா் உள்ளிட்டோா் கலந்து கொண்டனா்.