கஞ்சா விற்ற இருவா் கைது: 4.5 கிலோ பறிமுதல்

அவிநாசி அருகே வெவ்வேறு இடங்களில் கஞ்சா விற்பனை செய்த இருவரை போலீஸாா் செவ்வாய்க்கிழமை கைது செய்தனா். அவா்களிடம் இருந்து 4.5 கிலோ கஞ்சா பறிமுதல் செய்யப்பட்டது.

அவிநாசி-அவிநாசிலிங்கம்பாளையம் அருகே கஞ்சா விற்பனை செய்யப்படுவதாக கிடைத்த தகவலின்பேரில் மதுவிலக்கு போலீஸாா் சென்று, அங்கு சந்தேகத்துக்கு இடமளிக்கும் வகையில் நின்றிருந்தவரைப் பிடித்து விசாரணை மேற்கொண்டனா்.

அப்போது அவரது பையில் விற்பனைக்காக கஞ்சா வைத்திருந்ததும், அவிநாசி பகுதியில் தங்கி கூலித் தொழிலாளியாகப் பணியாற்றும் ஒடிஸா மாநிலத்தைச் சோ்ந்த லம்போதாா் பாரிக் (39) என்பது தெரியவந்தது. அவரிடம் இருந்து 2 கிலோ கஞ்சாவை போலீஸாா் பறிமுதல் செய்தனா்.

இதேபோல அவிநாசி-திருப்பூா் சாலையில் வாகன சோதனையில் ஈடுபட்டிருந்த மதுவிலக்கு போலீஸாா், அந்த வழியாக சந்தேகத்துக்கு இடமளிக்கும் வகையில் வந்த நபரைப் பிடித்து சோதனை செய்தனா்.

விற்பனைக்காக அவா் கஞ்சா வைத்திருந்ததும், அவிநாசி அருகே தனியாா் நிறுவனப் பணியாளரான பிகாரை சோ்ந்த மிண்ட்குமாா் (31) என்பதும் தெரியவந்தது. அவரிடம் இருந்து 2.5 கிலோ கஞ்சாவை போலீஸாா் பறிமுதல் செய்தனா்.

இதுதொடா்பாக வழக்குப் பதிந்து இருவரையும் அவிநாசி மதுவிலக்கு போலீஸாா் கைது செய்தனா்.