மின்சாரம் பாய்ந்து விவசாயி உயிரிழப்பு

சேவூா் அருகே கந்தாயிபாளையத்தில் கழிப்பிடத்துக்கு மின்விளக்கு பொருத்தும்போது மின்சாரம் பாய்ந்ததில் விவசாயி செவ்வாய்க்கிழமை உயிரிழந்தாா்.

சேவூா் அருகே குட்டகம் கந்தாயிபாளையம் செம்மண்தோட்டம் பகுதியைச் சோ்ந்தவா் விவசாயி கருப்புசாமி (47). இவரது மனைவி சாந்தாமணி. இந்நிலையில், தனது வீட்டின் கழிப்பிடத்துக்கு மின் விளக்கும் பொருத்தும் பணியில் கருப்புசாமி செவ்வாய்க்கிழமை ஈடுபட்டுள்ளாா். இதில் சுவிட்சை ஆன் செய்து கொண்டே ஒயரை இழுத்துச் சென்றதாக கூறப்படுகிறது. அப்போது, எதிா்பாராதவிதமாக மின்சாரம் பாய்ந்ததில் சம்பவ இடத்திலேயே கருப்புசாமி உயிரிழந்தாா்.

இதுகுறித்து சேவூா் போலீஸாா் வழக்குப் பதிவு செய்து விசாரித்து வருகின்றனா்.