பாகலூரில் கம்யூனிஸ்ட் கட்சியினா் ஆா்ப்பாட்டம்

பாகலூா் அருகே அரசு புறம்போக்கு நிலத்தில் கட்டப்பட்ட 33 வீடுகளை இடித்த வருவாய்த் துறை அதிகாரிகள் மீது நடவடிக்கை எடுக்க வலியுறுத்தி, இந்திய கம்யூனிஸ்ட் கட்சியினா் திங்கள்கிழமை ஆா்ப்பாட்டத்தில் ஈடுபட்டனா்.

ஒசூா் அருகே தும்மனப்பள்ளி ஊராட்சிக்கு உள்பட்ட முனீஸ்வரா் நகரில், அண்மையில் அரசு புறம்போக்கு நிலத்தில் கட்டப்பட்ட 33 வீடுகளை ஒசூா் வருவாய்த் துறை அதிகாரிகள் காவல் துறையினா் பாதுகாப்போடு இடித்து அகற்றினா். இதற்கு அப்பகுதி மக்கள் மற்றும் இந்திய கம்யூனிஸ்ட் கட்சி சாா்பில் கடும் எதிா்ப்பு தெரிவிக்கப்பட்டது.

இந்நிலையில், ஒசூா் அருகே உள்ள பாகலூா் பேருந்து நிலையம் பகுதியில் இந்திய கம்யூனிஸ்ட் கட்சி சாா்பில் கண்டன ஆா்ப்பாட்டம் திங்கள்கிழமை நடைபெற்றது. இதில், இந்திய கம்யூனிஸ்ட் கட்சியினா் மற்றும் வீடுகளை இழந்த பாதிக்கப்பட்ட பொதுமக்கள் என 200-க்கும் மேற்பட்டோா் பங்கேற்று முழக்கங்களை எழுப்பினா்.

தொடா்ந்து, இந்திய கம்யூனிஸ்ட் கட்சியின் மாநில நிா்வாகக் குழு உறுப்பினா் எம்.லகுமைய்யா, ஐஎஸ்டியுசி மாவட்டத் தலைவா் மாதையன் ஆகியோா் தலைமையில் கோரிக்கை மனுக்களை ஒசூா் சாா் ஆட்சியரிடம் அளித்தனா்.