எடப்பாடி பகுதியில் மிதமான மழை

எடப்பாடி சுற்றுப் பகுதியில் திங்கள்கிழமை இரவு மிதமான மழை பெய்தது.
கடந்த சில தினங்களாக எடப்பாடி நகர்புறம் மற்றும் அதனைச் சுற்றியுள்ள கிராமப் புறங்களில் பனிப் பொழிவு அதிகரித்த நிலையில், திங்கள்கிழமை இரவு திடீரென மிதமான மழை பெய்தது. இதனால், பொதுமக்களின் இயல்பு வாழ்க்கை பாதிக்கப்பட்டது. குறிப்பாக, கிறிஸ்துமஸ் பண்டிகைக்காக வெளியூர் செல்ல பேருந்து நிலையத்தில் காத்திருந்த பயணிகள் சிரமத்துக்குள்ளாயினர். நகரின் தாழ்வான பகுதிகளில் மழைநீர் தேங்கியது. உழவர் சந்தை, காய்கறி சந்தை உள்ளிட்ட பகுதிகளில் மழைநீர் தேங்கியதால் மக்கள் நடமாட்டம் குறைவாகவே காணப்பட்டது.