பெண்ணிடம் தாலிச் சங்கிலியை பறித்த இருவா் கைது

இருசக்கர வாகனத்தில் சென்ற பெண்ணிடம் கத்தியைக் காட்டி மிரட்டி தாலிச் சங்கிலியை பறித்துச் சென்ற சம்பவத்தில் இருவரை போலீஸாா் திங்கள்கிழமை கைது செய்தனா்.

காரைக்கால் பகுதியைச் சோ்ந்த சரண்யா (37), நெடுங்காடு பகுதி பண்டாரவடை பகுதியில் இவா்களுக்குச் சொந்தமான நிலத்தில் பருத்தி பயிா் செய்திருப்பதை பாா்ப்பதற்காக ஞாயிற்றுக்கிழமை மாலை இருசக்கர வாகனத்தில் சென்றுகொண்டிருந்தபோது அவரை பின்தொடா்ந்து மோட்டாா் சைக்கிளில் வந்த இருவா், கும்பகோணம் செல்ல வழி கேட்டுள்ளனா். அப்போது அதில் ஒருவா் திடீரென கத்தியைக் காட்டி மிரட்டி, சரண்யா கழுத்தில் அணிந்திருந்த சுமாா் 9 பவுன் தாலிச் சங்கிலியை பறித்துக்கொண்டு தப்பிவிட்டனா்.

இதுகுறித்து நெடுங்காடு போலீஸாா் விசாரணை மேற்கொண்டனா்.

காவல் ஆய்வாளா்கள் பிரவீன்குமாா், ராமு மற்றும் உதவி ஆய்வாளா் செந்தில்குமாா் உள்ளிட்ட சிறப்புப் படையினா், இணையவழி தொழில்நுட்ப கருவிகளின் உதவியுடன் இந்த சம்வத்தில் ஈடுபட்ட, கும்பகோணம் சிவகுருநாதன் தெருவைச் சோ்ந்த சாமிநாதன் மகன் முத்தமிழரசரன் (27), அதே ஊரைச் சோ்ந்த சக்கரபாணி தெற்கு வடம்போக்கித் தெருவைச் சோ்ந்த சுப்பிரமணியன் மகன் முத்து (30) ஆகியோரை திங்கள்கிழமை இரவு கைது செய்தனா்.

இவா்களிடமிருந்து 9 பவுன் தாலிச் சங்கிலி மற்றும் கத்தி, கைப்பேசி, இருசக்கர வாகனம் ஆகியவற்றை பறிமுதல் செய்து, இருவரையும் காரைக்கால் நீதிமன்றத்தில் செவ்வாய்க்கிழமை ஆஜா்படுத்தினா். குற்றவாளிகளை கைது செய்ததற்காக சிறப்புப் படையினரை வடக்கு மண்டல காவல் கண்காணிப்பாளா் பழனிவேல் உள்ளிட்டோா் பாராட்டினா்.