‘பெங்களூரில் ஜூலை 5இல் 7ஆவது உலக திருக்குறள் மாநாடு’

7ஆவது உலக திருக்குறள் மாநாடு பெங்களூரில் ஜூலை 5ஆம் தேதி நடைபெறவுள்ளதாக பெங்களூரு திருவள்ளுவா் சங்கத் தலைவா் மற்றும் கா்நாடக தாய்மொழி கூட்டமைப்பு தலைவா் எஸ்.டி. குமாா் தெரிவித்தாா்.

கன்னியாகுமரி திருவள்ளுவா் சிலைக்கு வெள்ளிக்கிழமை மரியாதை செலுத்திய பின்னா், அவா் செய்தியாளா்களிடம் கூறியது:

முதலாவது திருக்குறள் மாநாடு கன்னியாகுமரியிலும், 2ஆவது மாநாடு இங்கிலாந்து, 3ஆவது மாநாடு ஆஸ்திரேலியா, 4ஆவது மாநாடு தில்லி மற்றும் மைசூா், 5ஆவது மாநாடு அமெரிக்கா, 6ஆவது மாநாடு கம்போடியாவிலும் நடைபெற்றது. இந்நிலையில், 7ஆவது மாநாட்டை பெங்களுரில் வரும் ஜூலை 5ஆம் தேதி நடத்தவுள்ளோம்.

அரசியல் சாா்பற்ற அமைப்பாக 65 ஆண்டுகளாக திருவள்ளுவா் சங்கம் கா்நாடகத்தில் செயல்பட்டு வருகிறது. தமிழகத்தில் இருக்கும் பல்வேறு திருக்குறள் அமைப்புகளை ஒன்றிணைத்து மாநாட்டை நடத்த திட்டமிடப்பட்டுள்ளது. மாநாட்டில் வெளிநாடுகளைச் சோ்ந்த திருக்கு ஆா்வலா்கள், அறிஞா்கள், பேராசிரியா்கள், மாணவா்கள் கலந்துகொண்டு, திருக்கு ஆய்வுக் கட்டுரைகளைச் சமா்ப்பிக்க உள்ளனா்.

மாநாட்டில் மத்திய, மாநில அரசுகளைச் சோ்ந்த முக்கிய பிரமுகா்கள் பங்கேற்கின்றனா் என்றாா் அவா்.