நாய் குறுக்கே வந்ததில் பைக்கில் இருந்து விழுந்தவர் சாவு

நாய் குறுக்கே ஓடியதால் பைக்கில் இருந்து நிலைத்தவறி கீழே விழுந்ததில் பலத்த காயமடைந்தவர் மருத்துவமனையில் சிகிச்சை பலனின்றி உயிரிழந்தார். 
கரூர் மண்மங்கலம் நெரூர் வடக்கு பழையூரைச் சேர்ந்தவர் குணசேகரன்(54). இவர், கடந்த 1 ஆம் தேதி தனது பைக்கில் பரமத்திவேலூர் - வாங்கல் சாலையில் கடம்பங்குறிச்சி தேவாலயம் அருகே சென்றபோது திடீரென நாய் குறுக்கே ஓடியுள்ளது. இதில்,  நிலைத்தடுமாறி கீழே விழுந்ததில், பலத்த காயமடைந்த அவரை அருகில் இருந்தவர்கள் மீட்டு கரூர் அரசு மருத்துவமனையில் அனுமதித்தனர். 
ஆனால் அங்கு சிகிச்சை பலனின்றி செவ்வாய்க்கிழமை இரவு  இறந்தார். வாங்கல் போலீஸார் வழக்குப்பதிந்து விசாரிக்கின்றனர்.