அஞ்சலகத்தை மூடியதாக 50 பேர் கைது

காவிரி மேலாண் மை வாரியத்தை அமைக்காத மத்திய அரசைக் கண்டித்து,  தஞ்சாவூர் தலைமை அஞ்சலகக் கதவை காவிரி டெல்டா மாணவர்கள் மற்றும் இளைஞர்கள் புதன்கிழமை மாலை இழுத்து மூடி ஆர்ப்பாட்டத்தில் ஈடுபட்டனர். 
முன்னதாக, ரயிலடியில் இருந்து ஒருங்கிணைப்பாளர் அருண்சோரி தலைமையில் 50-க்கும் அதிகமான மாணவர்கள் அஞ்சலகத்தை நோக்கி ஊர்வலமாக வந்தனர். பின்னர், அஞ்சலக வாயில் கதவை இழுத்து மூடினர். மேலும், அலுவலகம் முன் அமர்ந்து மத்திய அரசுக்கு எதிராக முழக்கங்கள் எழுப்பினர். இதையடுத்து, போராட்டத்தில் ஈடுபட்ட 50 பேரை போலீஸார் கைது செய்தனர்.