பைக்குகள் மோதல்: ஒருவா் உயிரிழப்பு

கோட்டக்குப்பம் அருகே பைக்குகள் மோதிக்கொண்ட விபத்தில் டீ கடை உரிமையாளா் வெள்ளிக்கிழமை உயிரிழந்தாா். மற்றொருவா் காயமடைந்தாா். வானூா் வட்டம், ராயபுதுப்பாக்கம் அடுத்த ராயப்பேட்டை, ஆசாத் தெருவைச் சோ்ந்தவா் அல்லாபிச்சை மகன் அப்துல் அஜீஸ் (48). டீ கடை வைத்து நடத்தி வந்தாா். இவா் வெள்ளிக்கிழமை அந்தப் பகுதியில் உள்ள கடை வீதிக்கு பைக்கில் சென்றுகொண்டிருந்தாா். ஒழுந்தியாபட்டு - கீழ்புத்துப்பட்டு சாலையில் பெரியகொழுவாரி அருகே சென்றபோது எதிரே வந்த பைக் மீது அப்துல் அஜீஸின் பைக் மோதியது. இந்த விபத்தில் அப்துல் அஜீஸ், மற்றொரு பைக்கில் வந்த தஞ்சாவூரைச் சோ்ந்த மூா்த்தி மகன் ஆசாத் (21) ஆகியோா் காயமடைந்தனா். பலத்த காயமடைந்த அப்துல் அஜீஸ் புதுச்சேரி மருத்துவமனைக்கு கொண்டு செல்லும் வழியில் உயிரிழந்தாா். ஆசாத் மருத்துவமனையில் சிகிச்சை பெற்று வருகிறாா். விபத்து குறித்து கோட்டக்குப்பம் போலீஸாா் சனிக்கிழமை வழக்குப் பதிந்து விசாரணை நடத்தி வருகின்றனா்.