இறுதிகட்ட படப்பிடிப்பில் வறுத்தப்படாத வாலிபர் சங்கம்

எதிர்நீச்சல் படத்தைத் தொடர்ந்து சிவகார்த்திகேயன் நடிப்பில் உருவாகி வரும் படம் 'வருத்தப்படாத வாலிபர் சங்கம்'.

இந்தப் படத்தை இயக்குனர் ராஜேஷின் உதவியாளர் ராம் ஜெய் இயக்கி வருகிறார். படத்தில் சிவகார்த்திகேயனுக்கு ஜோடியாக தெலுங்கில் பஸ் ஸ்டாப் படத்தில் நடித்த ஸ்ரீ திவ்யா நடிக்கிறார். இவர்களுடன் முக்கிய வேடத்தில் நடித்திருக்கிறார் சத்யராஜ். ராஜேஷ் இப்படத்திற்கு வசனங்களை எழுதிக் கொடுத்து இருக்கிறார். இப்படமும் முழுநீள நகைச்சுவை படம் தான்.

இந்நிலையில் வருத்தப்படாத வாலிபர் சங்கம் படப்பிடிப்பு இறுதி கட்டத்தை நெருங்கிவிட்டதால் அதன் விளம்பரப் பணிகளை ஆரம்பித்துவிட்டனர். அதன்படி படத்திற்கான ஃபஸ்ட் லுக் போஸ்டர் நாளை வெளியாக இருக்கிறது. இந்தப் படத்தைத் தொடர்ந்து அடுத்தடுத்து மூன்று படங்களில் ஒப்பந்தமாகி இருக்கிறார் சிவகார்த்திகேயன். 'எதிர்நீச்சல்' இயக்குனர் படம், ஏ ஆர் முருகதாஸ் தயாரிப்பில் ஹன்சிகாவுக்கு ஜோடியாக ஒரு படம், லிங்குசாமி தயாரிப்பில் ஒரு படம் என பிஸிதான்.