தனுஷ்-கார்த்திக்-கேவிஆனந்த் கூட்டணியில் ‘அனேகன்’

‘கனா கண்டேன்’, ‘அயன்’, ‘மாற்றான்’ படங்களுக்குப் பிறகு கே.வி.ஆனந்த் இயக்கும் படம் அனேகன்.

இதில் நாயகனாக தனுஷ் நடிக்கிறார். அவருக்கு ஜோடியாக மும்பையைச் சேர்ந்த அமிரா அறிமுகமாகிறார். ‘ராவணன்’ படத்திற்குப் பிறகு கார்த்திக் ஒரு இடைவெளி விட்டு இந்த படத்தில் நடிக்கிறார். இவர்களுடன் அதுல் குல்கர்னி, ஆசிஷ் வித்யார்த்தி, ஜெகன் மற்றும் பலர் நடிக்கிறார்கள். ஹாரிஸ் ஜெயராஜ் இசையமைக்கிறார். தனுஷ் நடிக்கும் படத்திற்கு ஹாரிஸ் ஜெயராஜ் இசையமைப்பது இதுவே முதல் முறை. ஏஜிஎஸ் நிறுவனம் தயாரிக்கிறது.

காதலும், நகைச்சுவையும், சண்டைக்காட்சிகளும் பின்னிப்படர்ந்த கதையில், தனுஷ் இதுவரை நடிக்காத தோற்றங்களில் தோன்றி கலக்கவிருக்கிறார். வியட்நாம், கம்போடியா, மலேசியா, பொலிவியா போன்ற இடங்களில் படப்பிடிப்பு நடைபெற உள்ளது. “நமச்சிவாய வாழ்க..” என்று துவங்கும் திருவாசகப் பாடலில் கடைசி வரியில்.. “ஏகன் அனேகன் இறைவன் அடி வாழ்க..” என்று சொல்கிறார் மாணிக்கவாசகர்.