மாமனிதன் படத்தில் விஜய் சேதுபதியின் மகனாக நடித்த சிறுவன் குறித்து சுவாரசியத் தகவல் வெளியாகியுள்ளது. 

யுவன் ஷங்கர் ராஜா தயாரிப்பில் சீனுராமசாமி இயக்கத்தில் விஜய் சேதுபதி நடித்த மாமனிதன் திரைப்படம் இன்று (ஜூன் 24) திரையரங்குகளில் வெளியாகியுள்ளது. இந்தப் படத்துக்கு இளையராஜா - யுவன் ஷங்கர் ராஜா இணைந்து இசையமைத்துள்ளனர். 

இதையும் படிக்க | விநோதய சித்தம் தெலுங்கு ரீமேக்கில் பவன் கல்யாணை இயக்கும் சமுத்திரக்கனி

சுகுமார் இந்தப் படத்துக்கு ஒளிப்பதிவு செய்துள்ளார். இந்தப் படத்தில் விஜய் சேதுபதியுடன் காயத்ரி, ஜுவல் மேரி, குரு சோமசுந்தரம், கேபிஏசி லலிதா, அனிகா, பேபி மானஸ்வி உள்ளிட்டோர் முக்கிய வேடங்களில் நடித்துள்ளனர். 

இந்த நிலையில் இந்தப் படத்தில் விஜய் சேதுபதியின் மகனாக தமிழ் என்ற சிறுவன் நடித்திருந்தான். இவன் இயக்குநர் வ.கௌதமனின் மகன் என்ற தகவல் தற்போது வெளியாகியுள்ளது. முரளி - சிம்ரன் இணைந்து நடித்த கனவே கலையாதே படத்தை இயக்கிய கௌதமன், சீமான், அஞ்சலியுடன் இணைந்து மகிழ்ச்சி என்ற படத்தில் நாயகனாக நடித்திருந்தார்.